বঙাইগাঁও ৰে'ল ষ্টেচনৰ সন্মুখত মৃতদেহ উদ্ধাৰ

বঙাইগাঁও,১৭ নৱেম্বৰ: বঙাইগাঁও চহৰত চাঞ্চল্যকৰ ঘটনা । বঙাইগাঁও ৰে'ল ষ্টেচনৰ সন্মুখত এগৰাকী ব্যক্তিৰ মৃতদেহ উদ্ধাৰক লৈ সৃষ্টি হৈছে তীব্ৰ চাঞ্চল্য । বাতৰি সংগ্ৰহৰ সময়লৈকে চিনাক্ত হোৱা নাই ব্যক্তিগৰাকীৰ পৰিচয় । স্থানীয় ৰাইজে প্ৰত্যক্ষ কৰি আৰক্ষীক খবৰ দিয়ে ।  

মৃতদেহটো উদ্ধাৰ হোৱাৰ পাছতে চাঞ্চল্যকৰ পৰিস্থিতিৰ সৃষ্টি হয় বঙাইগাঁও ষ্টেচনৰ সমীপত । কোনো লোকে হত্যা কৰি পেলাই থৈ যোৱাৰ সন্দেহ প্ৰকাশ কৰে স্থানীয় ৰাইজ তথা আৰক্ষীয়ে । কিয়নো মৃত ব্যক্তিগৰাকীৰ মূৰত আঘাতৰ চিন স্পষ্ট । অবৈধ সুৰাৰ ভাটিৰ কাৰণে সঘনে এনে ঘটনা সংঘটিত হোৱা বুলি উল্লেখ কৰে ৰাইজে । এই ঘটনাৰ পাছতে অবৈধ সুৰাৰ ভাটিত উত্তেজিত ৰাইজে আক্ৰমণ কৰে বুলি জানিবপৰা গৈছে । ইতিমধ্যে ঘটনাস্থলীত আৰক্ষী উপস্থিত হৈ আৰম্ভ কৰিছে তদন্ত ।

লগতে পঢ়ক: বানেইকুছিত উদ্ধাৰ হোৱা যুৱতীৰ মৃতদেহৰ পৰিচয় উদ্ধাৰ, ধৰ্ষণ কৰি হত্যা কৰিছিল বন্ধুৱে