Dead turtle Rescued at Amguri: আমগুৰিত দুৰ্বৃত্তৰ কাছ নিধন

শিৱসাগৰত জঘন্য ঘটনা ৷ শিৱসাগৰ জিলাৰ আমগুৰি বৰপুখুৰীত সোমবাৰে পুৱা দুৰ্বৃত্তই বৰশী মাৰি এটা কাছ ধৰি লৈ যায় (Dead turtle Rescued at Amguri) ৷ তাৰ পিছতে দুস্প্ৰাপ্য কাছটো নিধন কৰে সমৰ শীল নামৰ দুৰ্বৃত্তটোৱে ৷ এই কথা বন বিভাগে গম পোৱাৰ লগে লগে সমৰৰ ঘৰত অভিযান চলায় ৷ সমৰৰ ঘৰত কাছটোৰ ডিঙি আৰু ঠেং কটা অৱস্থাত উদ্ধাৰ কৰে বন বিভাগে (Turtle Rescued at Amguri)৷ বন বিভাগ যোৱাৰ খবৰ পাই ঘৰৰ পৰা পলায়ন কৰে সমৰে ৷ এতিয়ালৈ দুৰ্বৃত্তটোক আটক কৰিবলৈ সক্ষম হোৱা নাই বন বিভাগে ৷ ইতিমধ্যে আমগুৰি বন বিভাগে কাছ নিধন কৰা দুখন দা খুকুৰী এখন, কটাৰী এখন, প্লাছ এটা, হাতুৰী এটা উদ্ধাৰ কৰিছে ৷