Late Burha Satriya of Barpeta Satra: বুঢ়া সত্ৰীয়া বশিষ্ঠদেৱ শৰ্মাৰ ঘৰত উপস্থিত জিতেন্দ্ৰ সিং

বৰপেটা সত্ৰৰ প্ৰয়াত বুঢ়া সত্ৰীয়া বশিষ্ঠ দেৱশৰ্মাৰ সুন্দৰীদিয়া কলয়াহাটীস্থিত ঘৰত সোমবাৰে উপস্থিত হয় জ্যেষ্ঠ কংগ্ৰেছ নেতা জিতেন্দ্ৰ সিং (Congress leader Jitendra Singh) , সাংসদ গৌৰৱ গগৈ (MP Gaurav Gogoi) , বিধায়ক ৰকিবুল হুছেইন (MLA Rakibul Hussain) , ৰেকিবুদ্দিন আহমেদকে আদি কৰি এটা বৃহৎ দল (Late Burha Satriya of Barpeta Satra) ৷ আটাইকেইগৰাকীয়ে প্ৰয়াত বুঢ়া সত্ৰীয়া বশিষ্ঠ দেৱশৰ্মাৰ শোক-সন্তপ্ত পৰিয়ালবৰ্গক সমবেদনা জ্ঞাপন কৰাৰ লগতে তেওঁৰ আত্মাৰ সদগতি কামনা কৰে ৷ লগতে বুঢ়া সত্ৰীয়া গৰাকীৰ কৰ্মৰাজি সমূহ ডিজিটেল পদ্ধতিৰে সংৰক্ষণ কৰাৰ বাবে আহ্বান জনাই সাংসদ গৌৰৱ গগৈয়ে পিতৃ তৰুণ গগৈৰ সৈতে বুঢ়া সত্ৰীয়া গৰাকীৰ পূৰ্বৰ মধুৰ সম্পৰ্কৰ কথা সোঁৱৰণ কৰে ৷ ইফালে ৰকিবুল হুছেইনে বুঢ়া সত্ৰীয়া গৰাকী অহিংসা আৰু শান্তিৰ প্ৰতীক বুলি কয় ৷