Bhupen Borah: ৰাহুল গান্ধীৰ ভক্তই আজি মোদীৰ ভক্ত; ভূপেন বৰা

নাহৰকটীয়া, ৩ ছেপ্তেম্বৰ: বাগিচাই বাগিচাই কংগ্ৰেছ দলে নাটক আৰম্ভ কৰিছে বুলি মুখ্যমন্ত্ৰী ড৹ হিমন্ত বিশ্ব শৰ্মাই কটাক্ষ কৰাৰ পিছত দেওবাৰে প্ৰতিক্ৰিয়া ব্যক্ত কৰিছে অসম প্ৰদেশ কংগ্ৰেছ কমিটীৰ সভাপতি ভূপেন বৰাই । 

কংগ্ৰেছে যদি নাটক কৰিছে তেন্তে মুখ্যমন্ত্ৰী ড৹ হিমন্ত বিশ্ব শৰ্মাই কি কৰিছে বুলি মন্তব্য় কৰি অসম প্ৰদেশ কংগ্ৰেছ কমিটীৰ সভাপতিগৰাকীয়ে কয়,‘‘তেওঁ কংগ্ৰেছৰ পৰা বিজেপিলৈ আহিল সেয়া কি ? দিনত বিজেপি, ৰাতি কংগ্ৰেছ, কালি ৰাহুল গান্ধীৰ ভক্তই আজি মোডীৰ ভক্ত । এয়া নাটক নহয় তেন্তে কি ?’’

আগন্তুক লোকসভা নিৰ্বাচনত কংগ্ৰেছে কিমানখন আসন লাভ কৰিব সেই সন্দৰ্ভত ভূপেন বৰাই কয় যে অসমৰ জনতাই সিদ্ধান্ত দিব কোনে কিমান আসন লাভ কৰিব । ভূপেন বৰাই ২০২৪ৰ লোকসভা নিৰ্বাচনত অসমৰ জনতাই সাম্প্ৰদায়িক শক্তিক উৎখাত কৰিব বুলি প্ৰকাশ কৰে ।

আনহাতে, এআইইউডিএফ আৰু আৰএছএছৰ মাজত কোনো প্ৰাৰ্থক্য নাই বুলি উল্লেখ কৰি তেওঁ AIUDFকো কটাক্ষ কৰে । উল্লেখ্য যে দেওবাৰে নাহৰকটীয়াৰ আচাবাম চাহ বাগিছাত বাগানে বাগানে কংগ্ৰেছ শীৰ্ষক কাৰ্যসূচীত উপস্থিত থাকে প্ৰদেশ কংগ্ৰেছৰ সভাপতি ভূপেন বৰা । ইয়াৰ পূৰ্বে ভূপেন বৰাই নাহৰকটীয়াৰ ৰাজহুৱা নামঘৰত এখন শৰাই আগবঢ়ায় ।

লগতে পঢ়ক: Pijush Hazarika in Sivasagar: দিচাংমুখ অফলাৰত খহনীয়া প্ৰতিৰোধৰ আশ্বাস পীযুষ হাজৰীকাৰ