Golden Jubilee of Sarupathar College: তথ্য প্ৰযুক্তি, প্ৰতিযোগিতাৰ যুগত ছাত্ৰ-ছাত্ৰীৰ পৰা কি আশা কৰে মন্ত্ৰী অতুল বৰাই ?

সৰুপথাৰ, 4 নৱেম্বৰ: সৰুপথাৰ মহাবিদ্যালয়ত শুকুৰবাৰে অনুষ্ঠিত সোণালী জয়ন্তী সামৰণি অনুষ্ঠানত উপস্থিত থাকে কৃষিমন্ত্ৰী অতুল বৰা । অনুষ্ঠানত তেওঁ বৰ্তমান সময় তথ্য প্ৰযুক্তি তথা প্ৰতিযোগিতাৰ যুগ বুলি উল্লেখ কৰি আমাৰ ছাত্ৰ-ছাত্ৰীসকলে যিকোনো দেশৰ ছাত্ৰ-ছাত্ৰীৰ লগত সমানে খোজ মিলাব পৰাকৈ আগবাঢ়ি যাব পাৰিব বুলি তেওঁ আশা ব্যক্ত কৰে ৷

ইফালে অনুষ্ঠানত সাংবাদিকৰ আগত লোকসভা নিৰ্বাচন সন্দৰ্ভতো মন্তব্য কৰে মন্ত্ৰী বৰাই ৷ তেওঁ আগন্তুক নিৰ্বাচনত বিজেপিৰ লগত একেলগে নিৰ্বাচনত প্ৰতিদ্বন্দিত কৰাৰ কথা জানিবলৈ দিয়ে ৷ অৱশ্যে আসনৰ সন্দৰ্ভত বৰ্তমানলৈ কোনো ধৰণৰ আলোচনা কৰা হোৱা নাই বুলি জানিবলৈ দিয়ে মন্ত্ৰী বৰাই ৷ অৱশ্যে তেওঁ লোকসভা নিৰ্বাচনত দলৰ তৰফৰ পৰা প্ৰাৰ্থী দিয়াৰ কথা স্পষ্ট কৰি দিয়ে ৷ 

ধনশিৰি মহকুমাৰ উচ্চশিক্ষা প্ৰাণকেন্দ্ৰ সৰুপথাৰ মহাবিদ্যালয়ৰ গৌৰৱোজ্জ্বল সোণালী জয়ন্তী বৰ্ষৰ সামৰণি অনুষ্ঠানৰ প্ৰথমটো দিনা মুহীকান্ত তামুলী প্ৰেক্ষাগৃহত কেইবাখনো গ্ৰন্থ উন্মোচন কৰা হয় ৷ লেচাম তুৰুং সোঁৱৰণী আলোচনা চক্ৰ "একবিংশ শতিকাৰ প্ৰেক্ষাপটত অসমৰ উচ্চশিক্ষা" শীৰ্ষক আলোচনা চক্ৰখনো অনুষ্ঠিত হয় ।

লগতে পঢ়ক: Golden Jubilee of Sarupathar College: সৰুপথাৰ মহাবিদ্যালয়ৰ সোণালী জয়ন্তীৰ সামৰণি অনুষ্ঠানৰ শুভাৰম্ভ