জনজাতিকৰণৰ দাবীত সদৌ অসম চুতীয়া ছাত্ৰ সন্থাৰ জোঁৰ সমদল

চুতীয়াসকলক স্বায়ত্ব শাসন প্ৰদানৰ লগতে জনজাতিকৰণৰ দাবীত আজি সন্ধিয়া ৰাজ্যজুৰি জোৰ সমদল বাহিৰ কৰে সদৌ অসম চুতীয়া ছাত্ৰ সন্থাই (Chutia Student Union protest in Lakhimpur) । লখিমপুৰতো জিলা চুতীয়া ছাত্ৰ সন্থাই জিলা কাৰ্যালয়ৰ পৰা সমদল বাহিৰ কৰে (Chutia demands ST status) । কিন্তু জোৰ লৈ সমদল বাহিৰ কৰাৰ লগে লগে আৰক্ষীয়ে বাধা প্ৰদান কৰে আৰু আৰক্ষী-প্ৰতিবাদকাৰীৰ মাজত হতাহতিৰ সৃষ্টি হয় । ন' এছ টি ন ৰেষ্ট, কেন্দ্ৰীয় চৰকাৰ হুছিয়াৰ, অসম চৰকাৰ হায় হায়, ছয় জনগোষ্ঠীক জনজাতিকৰণৰ কৰক আদি শ্লোগানেৰে পৰিৱেশ উত্তাল কৰি তোলে ৷ শাসকীয় দলটো প্ৰাক-নিৰ্বাচনী প্ৰতিশ্ৰুতি পূৰণত ব্যৰ্থ হৈছে আৰু এনে প্ৰতাৰণা সহ্য কৰা নহ’ব বুলি প্ৰতিক্ৰিয়া ব্যক্ত কৰে ৷ আগন্তক লোকসভা নিৰ্বাচনৰ পূৰ্বে জনজাতিকৰণ আৰু স্বায়ত্ব শাসন প্ৰদান নকৰিলে চৰকাৰে ইয়াৰ পৰিণাম ভোগ কৰিব লাগিব বুলিও চুতীয়া ছাত্ৰ সন্থাৰ নেতৃত্বই চৰকাৰক সকীয়নি প্ৰদান কৰে ৷