Two sisters death: বটদ্ৰৱাত দুই কন্যা শিশুৰ সলিল সমাধি

চামগুৰি,৬ ছেপ্টেম্বৰ : নগাঁও জিলাৰ জুৰীয়া থানাৰ অন্তৰ্গত বটদ্ৰৱাৰ সমীপৱৰ্তী বাটমাৰী গাঁৱত বুধবাৰে দিনৰ ১০ মান বজাত সংঘটিত হয় এক হৃদয় বিদাৰক ঘটনা । জানিব পৰা মতে বলিকটিয়া গাঁও পঞ্চায়তৰ ৯নং ওৱাট সদস্য মো: ছাইফুল ইছলামৰ দুই কন্যা সন্তানৰ ঘৰৰ কাষৰে পুখুৰীত পৰি সলিল সমাধি ঘটে ।  

দুই কন্যা সন্তান ৭ বছৰীয়া জান্নাতুল ফেৰদুছ আৰু ৬ বছৰীয়া ছেমিমা আখতাৰ বুলি জানিব পৰা গৈছে । পৰিয়ালৰ লোকে কন্যা সন্তান দুটিক পুখুৰীৰ পানীত উপঙি থকা অৱস্থাত প্ৰত্যক্ষ কৰি ততাতৈয়াকৈ কৈ বটদ্ৰৱা ক্ষুদ্ৰ প্ৰাথমিক স্বাস্থ্য কেন্দ্ৰত লৈ যায় যদিও চিকিৎসকে দুয়োকে মৃত বুলি ঘোষণা কৰে । উক্ত ঘটনাই সমগ্ৰ অঞ্চলটোতে শোকৰ ছাঁ পেলাইছে । 

লগতে পঢ়ক: INDIA vs Bharat : ’INDIA’ ৰ ভূতে খেদিছে দেশৰ প্ৰধানমন্ত্ৰীক, বিৰোধী দলপতি