Child Death at Bilasipara : বিলাসীপাৰাত গৌৰাং নৈৰ পানীত পৰি শিশুৰ মৃত্যু

বিলাসীপাৰা, 23 ছেপ্টেম্বৰ : বিলাসীপাৰা আৰক্ষী থানাৰ অন্তৰ্গত হাতীপোতা প্ৰথম খণ্ড গাঁৱত সংঘটিত হৈছে এক শোকাৱহ দুৰ্ঘটনা ৷ গৌৰাং নৈৰ পানীত পৰি মৃত্যু এটি ডেৰ বছৰীয়া শিশুৰ ৷ জানিব পৰা মতে নৈখনৰ পাৰ্শ্বৱৰ্তী গাঁৱৰ সমনীয়াৰ সৈতে নৈখনৰ পাৰতে উমলি আছিল শিশুটি ৷ কিন্তু দুৰ্ভাগ্যবশতঃ ডেৰ বছৰীয়া শিশুটি নৈখনৰ গভীৰ পানীত পৰি যায় ৷

বহু সময় ধৰি শিশুটি নিখোঁজ হৈ থকাত পৰিয়ালৰ লোকে স্থানীয় ৰাইজৰ সহযোগত সন্ধান আৰম্ভ কৰে ৷ পৰৱৰ্তী সময়ত নৈখনৰ বুকুৰ পৰা শিশুটিক স্থানীয় ৰাইজে উদ্ধাৰ কৰিবলৈ সক্ষম হয় ৷ উদ্ধাৰ হোৱা শিশুটিক তৎকালীনভাৱে বিলাসীপাৰা আদৰ্শ চিকিৎসালয়ত ভৰ্তি কৰা হয় যদিও চিকিৎসকে শিশুটিক মৃত বুলি ঘোষণা কৰে ৷ এই ঘটনাক কেন্দ্ৰ কৰি অঞ্চলটোত শোকৰ ছাঁ পৰিছে ৷ 

লগতে পঢ়ক : Rape in Bilasipara: নাবালিকা নিৰ্যাতনকাৰীক সশ্ৰম কাৰাদণ্ডৰে দণ্ডিত অতিৰিক্ত জিলা আৰু সত্ৰ ন্যায়াধীশ আদালতৰ