ডাঙৰি কঢ়িয়াই চৰ্চিত গোলাঘাটৰ এগৰাকী যুৱতী, উচ্চ শিক্ষিতা হৈয়ো চয়নিকাই নকৰে কালৈকো লাজ

গোলাঘাট, 20 ডিচেম্বৰ : উচ্চ শিক্ষিত হ’ল বুলিয়ে ঘৰৰ কাম বন নকৰি চাকৰিৰ পাচত দৌৰি ফুৰা যুৱক-যুৱতীৰ বাবে উদাহৰণ হৈ পৰিছে গোলাঘাটৰ এগৰাকী যুৱতী ৷ কোনে কয় ডাঙৰি কঢ়িওৱা কাম কেৱল পুৰুষেহে কৰে বুলি ! ভাত বনোৱা বা ধান কটাই যে মহিলাসকলৰ কাম বুলি আজিৰ দিনত কোনে কয় ! পুৰুষৰ খোজত খোজ মিলাই চলা আজিৰ দিনৰ মহিলা একোতে পিছ পৰি থকা নাই ৷

তাৰে এক উদাহৰণ হৈছে গোলাঘাটত জিলাৰ খুমটাই সমষ্টিৰ গণকপুখুৰীৰ চৰলা তিনিআলিৰ গাঁৱৰ উচ্চ শিক্ষিত যুৱতী চয়নিকা বৰা ৷ উচ্চ শিক্ষিতা হৈয়ো চয়নিকা বৰ্তমান ব্যস্ত হৈ পৰিছে খেতি পথাৰত ৷ ধান দোৱাৰ লগতে ডাঙৰি কঢ়িওৱাতো পিতৃক সহায় কৰি আহিছে চয়নিকাই ৷ উল্লেখ্য যে, স্বাস্থ্যজনিত সমস্যাত ভুগি আছে চয়নিকাৰ পিতৃ ৷ সেয়ে পিতৃক সহায়ৰ বাবে চয়নিকাই কান্ধত তুলি লৈছে ডাঙৰিৰ ভাৰ ৷ বান্ধি লৈছে ডাঙৰি আৰু এভাৰ এভাৰকৈ পথাৰৰ পৰা ঘৰলৈ আনিছে আনিছে ধান ৷ চয়নিকাৰ ডাঙৰি বন্ধা বা কঢ়িওৱাই দৃশ্যই সামাজিক মাধ্যমত বিশেষ চৰ্চা লাভ কৰিছে ৷ 

লগতে পঢ়ক ; শালিধান কাটিলে অতুল বৰাই, বাকী আছে ন খাবলৈহে !