Death anniversary of Taburam Tide: জোনাইত শিক্ষাবিদ লেখক টাবুৰাম টাইডৰ মৃত্যু তিথি উদযাপন

জোনাই, ১৭ আগষ্ট : জোনাইৰ বিভিন্ন বাংকেত মিচিং আগম কৌবাঙৰ উদ্যোগত আৰু মিচিং জাতীয় সংগঠনসমূহৰ সহযোগত বিশিষ্ট শিক্ষাবিদ লেখক টাবুৰাম টাইডৰ মৃত্যু তিথি উদযাপন ৷ বিশিষ্ট শিক্ষাবিদ টাবুৰাম টাইডক স্মৰণ কৰি বৃহস্পতিবাৰে দিনজোৰা বিভিন্ন কাৰ্যসূচী উদযাপন কৰা হয় । মিচিং আগম কৌবাঙৰ উদ্যোগত আৰু মিচিং জাতীয় সংগঠনসমূহৰ সহযোগত আজি দিনজোৰা কাৰ্যসূচীৰে আগম মিগাং টাবুৰাম টাইডৰ মৃত্যু তিথি জোনাই মহকুমাৰ বিভিন্ন বাংকেত উদযাপন কৰা হয় ।
উল্লেখ্য যে, ১৯৪২ চনৰ ১ আগষ্টত লখিমপুৰ জিলাৰ অন্তৰ্গত মিচিং সম্প্ৰদায়ৰ লোকে বাস কৰা ঘূণাসুঁতিত জন্ম হৈছিল বিশিষ্ট শিক্ষাবিদ, লেখক টাবুৰাম টাইডৰ । তেওঁৰ পিতৃৰ নাম আছিল স্বৰ্গীয় উবাং টাইড । দৰিদ্ৰতাৰ সৈতে যুঁজিও পিতৃয়ে তেওঁক বিদ্যালয়লৈ পঠিয়াইছিল । ডাঙৰ পুত্ৰৰ বাদে উবাং টাইডে বাকী আটাইকেইটা সন্তানক বিদ্যালয়লৈ পঠিয়াইছিল ।

গাঁৱতে প্ৰাথমিক শিক্ষা গ্ৰহণ কৰাৰ পিচত ঘূণাসুঁতিৰ পৰা বহু নিলগত অৱস্থিত লখিমপুৰ চৰকাৰী উচ্চ মাধ্যমিক বিদ্যালয়ত হাইস্কুল শিক্ষা গ্ৰহণৰ বাবে গৈছিল টাবুৰাম টাইড । সেইজন বিশিষ্ট শিক্ষাবিদ, লেখক আগম মিগাং টাবুৰাম টাইডৰ আজি মৃত্যু তিথি । সমগ্ৰ অসমৰ লগতে জোনাইৰ বিভিন্ন বাংকেত উৎযাপন কৰে বিশিষ্ট শিক্ষাবিদ, লেখক আগম মিগাং টাবুৰাম টাইডৰ মৃত্যু তিথি ।

লগতে পঢ়ক : Independence Day 2023: জোনাইত স্বাধীনতা দিৱস উপলক্ষে সাংবাদিক আৰু প্ৰশাসনিক বিষয়া কৰ্মীৰ ফুটবল খেল