Crime in Nalbari: নলবাৰীত দোকানৰ বাকী খুজিবলৈ যোৱা ব্যৱসায়ীক আক্ৰমণ যুৱকৰ

নলবাৰী, ৮ মে':নলবাৰীৰ বৰতলাত দোকানৰ বাকী খুজিবলৈ যোৱা বাবে চিন্তু বৰ্মন নামৰ এজন ব্যৱসায়ীক আক্ৰমণৰ ঘটনা সংঘটিত হৈছে (Businessman attacked youth in Nalbari) । আক্ৰমণৰ ফলত ব্যৱসায়ীজন গুৰুতৰভাৱে আহত হয় । বৰতলাৰ হাইস্কুল চ'কত থকা কৃষ্ণা নাৰায়ণী ষ্টোৰ নামৰ দোকানখনৰ পৰা নিতুল বৰ্মন নামৰ এজন লোকে ৭ মাহ পূৰ্বে বাকীত সামগ্ৰী ক্ৰয় কৰিছিল । দোকানখনৰ স্বতাধিকাৰী চিন্তু বৰ্মনে দেওবাৰে নিতুল বৰ্মনৰ পৰা পাবলৈ থকা দোকানৰ বাকীৰ ধন ৫০০০ টকা ওভতাই খুজিছিল ।

এই কথাতে চিন্তু বৰ্মন আৰু নিতুল বৰ্মনৰ মাজত বাক-বিতণ্ডা হয় । তেনেতে নিতুল বৰ্মনৰ লগত থকা জয়ন্ত ডেকা আৰু হিমাংশু ডেকা নামৰ যুৱক দুজনে চিন্তুক শাৰীৰিকভাৱে আক্ৰমণ কৰে । ফলত ব্যৱসায়ী চিন্তু গুৰুতৰভাৱে আহত হয় । আহত ব্যৱসায়ীজনে মহকুমা অসামৰিক চিকিৎসালয়ত চিকিৎসা কৰে যদিও চিকিৎসকে তেওঁক উন্নত চিকিৎসাৰ বাবে নলবাৰী চিকিৎসা মহাবিদ্যালয়লৈ যাবলৈ পৰামৰ্শ আগবঢ়ায় (Nalbari Medical College)। এই ঘটনা সংক্ৰান্তত ভুক্তভোগী ব্যৱসায়ীজনে ইতিমধ্য়ে মুকালমুৱা আৰক্ষী থানাত এজাহাৰ দাখিল কৰে । ব্যৱসায়ীজনৰ এজাহাৰৰ ভিত্তিত আৰক্ষীয়ে জয়ন্ত ডেকা নামৰ যুৱকজনক আটক কৰে ।

লগতে পঢ়ক:Doctor couple’s child abuse case: জেৰাৰ সন্মুখীন ডাঃ সংগীতা; আৰক্ষীক বিভ্ৰান্ত কৰাৰ চেষ্টা মনোৰোগ বিশেষজ্ঞাৰ