Burmise battel nuts seized: হাইলাকান্দিত জব্দ বাৰ্মিজ চুপাৰি

হাইলাকান্দি, 14 এপ্ৰিল : হাইলাকান্দিত অবৈধ বাৰ্মিজ চুপাৰিৰ বিৰুদ্ধে অভিযান অব্যাহত আছে । আৰক্ষীয়ে অভিযান চলাই হাইলাকান্দিত জব্দ কৰে প্ৰায় ৫০,৮০০ কেজি বাৰ্মিজ চুপাৰি । বৰ্তমানে লালা থানাত আছে জব্দ কৰা বাৰ্মিজ চুপাৰি ভৰ্তি ট্ৰাক দুখন (Burmise battel nuts seized in Hailakandi) ।

লালা আৰক্ষী থানাত আটক কৰি ৰখা দুখন ১৬ চকীয়া ট্ৰাকৰ পৰা প্ৰায় ৫০,৮০০ কিলোগ্ৰাম বাৰ্মিজ চুপাৰি জব্দ কৰে হাইলাকান্দি আৰক্ষীয়ে । মিজোৰামৰ পৰা গুৱাহাটীলৈ ডেলিভাৰীৰ সময়ত লালা বাইপাছত স্থানীয় ৰাইজৰ সহযোগত আৰক্ষীয়ে অবৈধ বাৰ্মিজ চুপাৰি ভৰ্তি বাহন দুখন জব্দ কৰে । অভিযানৰ সময়ত দুয়োখন ট্ৰাকৰ চালক আৰু সহ-চালক ঘটনাস্থলীৰ পৰা পলায়ন কৰে । জব্দ কৰা বাৰ্মিজ চুপাৰিখিনিৰ বজাৰ মূল্য প্ৰায় ৩ কোটি টকা হ’ব বুলি অনুমান কৰা হৈছে (Burmise battel nuts seized) ।

লগতে পঢ়ক : Fake currency seized : গহপুৰত জাল নোট চপোৱা মেচিনসহ আটক এজন