Udalguri News: খৈৰাবাৰীত বিটিআৰ বঙালী ফেডাৰেচনৰ শাখা সমিতি গঠন

ওদালগুৰি, 28 ছেপ্টেম্বৰ : বৃহস্পতিবাৰে খৈৰাবাৰীত বিটিআৰ বঙালী ফেডাৰেচনৰ শাখা সমিতি গঠন কৰা হয় ৷ ওদালগুৰি জিলাৰ খৈৰাবাৰী অঞ্চলৰ ছাত্ৰ-ছাত্ৰীসকলৰ বিভিন্ন সমস্যা সমাধানৰ লগতে ছাত্ৰ-ছাত্ৰীৰ অধিকাৰৰ স্বাৰ্থতে খৈৰাবাৰী শাখা ফেডাৰেচন সমিতি গঠন কৰা হৈছে বুলি জানিবলৈ দিছে নৱগঠিত সমিতিৰ সদস্যই ৷

খৈৰাবাৰী আঞ্চলিক বঙালী যুৱ ছাত্ৰ পৰিষদৰ সাধাৰণ সভাত গঠন কৰা হয় খৈৰাবাৰী শাখা বঙালী ফেডাৰেচন সমিতি ৷ নৱগঠিত সমিতিখনত ৰিহণ সাহাক সভাপতি, কৃষ্ণ সেনক কাৰ্যকৰী সভাপতি, জয়প্ৰকাশ সেনক সাধাৰণ সম্পাদক, ভাগ্যশ্ৰী দেৱনাথক সহকাৰী সম্পাদক হিচাপে দায়িত্ব প্ৰদান কৰা হয় ৷

উক্ত সভাত খৈৰাবাৰী আঞ্চলিক ফেডাৰেচনৰ সভাপতি, সম্পাদকসহ ওদালগুৰি জিলা বিটিআৰ বঙালী ফেডাৰেচনৰ সভাপতি শংকৰ দাস, তামুলপুৰ জিলাৰ সাধাৰণ সম্পাদকৰ লগতে ওদালগুৰি জিলা সমিতিৰ উপদেষ্টা মাধৱ দেৱনাথ উপস্থিত থাকে ৷ 

লগতে পঢ়ক:BPF Meets at Tangla : না NDA, না I.N.D.I.Aত ! চল চাই কঠিয়া পাৰিব নেকি হাগ্ৰামা মহিলাৰীয়ে