খাৰুপেটীয়াত মিষ্টাৰ দৰং ২০২৩ শৰীৰ চৰ্চা প্ৰতিযোগিতা

দলগাঁও, ২৮ নৱেম্বৰ : খাৰুপেটীয়াত দেওবাৰে নিশা অনুষ্ঠিত হয় মিষ্টাৰ দৰং ২০২৩ প্ৰতিযোগিতা । খাৰুপেটীয়া নগৰৰ মাজমজিয়াত অসম ক্লাৱ প্ৰেক্ষাগৃহত ফিটনেছ ৱৰ্ল্ড খাৰুপেটীয়াৰ উদ্যোগত দ্বিতীয়বাৰৰ বাবে অনুষ্ঠিত হয় এই প্ৰতিযোগিতা ৷ উক্ত প্ৰতিযোগিতাত জিলাখনৰ বিভিন্ন প্ৰান্তৰ মুঠ ১৬ গৰাকী প্ৰতিযোগীয়ে অংশগ্ৰহণ কৰে ।

ইয়াৰে "মিষ্টাৰ দৰং ২০২৩" খিতাপ অর্জন কৰিবলৈ সক্ষম হয় খাৰুপেটীয়াৰ মিটন দেৱনাথে ৷ জুনিয়ৰ মিষ্টাৰ দৰঙৰ খিতাপ লাভ কৰে খাৰুপেটীয়াৰ ছোবাহান আলী আৰু প্ৰতিযোগিতাখনত ফিটনেচ শাখাত খিতাপ লাভ কৰে মংগলদৈৰ ছোলেইমান আলীয়ে । উল্লেখ্য যে, দৰং জিলাৰ মুঠ ১৬ গৰাকী প্ৰতিযোগীয়ে অংশ গ্ৰহণ কৰা ভাৰতীয় বডি বিল্ডাৰ্ছ ফেডাৰেচনৰ অধীনত দৰং জিলাৰ Fitness world খাৰুপেটীয়া শাখাৰ সভাপতি হবিবুৰ ৰহমান আৰু সম্পাদক মাজেদুৰ ৰহমানৰ তত্বাৱধানত আয়োজিত এই প্ৰতিযোগিতাখনত বিচাৰকৰ আসন অলংকৃত কৰে আন্তঃৰাষ্ট্ৰীয় বিচাৰক ভবজ্যোতি গোস্বামীয়ে ৷ অসমৰ ৰাজ্যিক বিচাৰক বিকাশ শইকীয়াৰ লগতে ৰাজ্যিক পৰ্য্যায়ৰ আন দুগৰাকী বিচাৰকো উপস্থিত থাকে । উল্লেখযোগ্য যে, ২০২১ চনত পোন প্ৰথমবাৰৰ বাবে অনুষ্ঠিত Mr Darrang 2021 শৰীৰ চৰ্চা প্ৰতিযোগিতাত অংশগ্ৰহণ কৰিছিল ২৭ গৰাকী প্ৰতিযোগীয়ে ।

লগতে পঢ়ক : India A দলত স্থান লাভ ক্ৰিকেটাৰ জিণ্টিমণি কলিতাৰ, উৎফুল্লিত পৰিয়াল