Bodoland Community Counseling Centre : কোকৰাঝাৰত বড়োলেণ্ড সামাজিক পৰামৰ্শদান কেন্দ্ৰ মুকলি

কোকৰাঝাৰত বুধবাৰে বড়োলেণ্ড সামাজিক পৰামৰ্শদান কেন্দ্ৰ মুকলি কৰা হয় (Bodoland Community Counseling Centre)৷ বিটিআৰ চৰকাৰৰ সমাজ কল্যাণ বিভাগৰ উদ্যোগত কোকৰাঝাৰ চহৰৰ বিবেকানন্দ পথৰ হিন্দী স্কুলৰ সমীপত মুকলি কৰা হয় কেন্দ্ৰটো ৷ সামাজিক পৰামৰ্শদান কেন্দ্ৰটোৰ আনুষ্ঠানিকভাৱে মুকলি কৰে বিটিআৰৰ সমাজ কল্যাণ বিভাগৰ কাৰ্যবাহী সদস্য গৌতম দাসে (BTR EM Gautam Das)৷ সমাজত হিংসাৰ বলি হোৱা শিশু কিশোৰ-কিশোৰী, মনস্তাত্বিক নিৰাময়, বাল্য বিবাহ, গৃহ কন্দল, নিচাসক্ত দ্ৰব্য সেৱন, উদ্যমী ব্যক্তি আৰু উচ্চ শিক্ষিত পৰিয়ালৰ আৰ্থিক সমস্যাকে ধৰি বিভিন্ন দিশত সামাজিক ন্যায় প্ৰদানৰ সেৱাৰ্থে উক্ত কেন্দ্ৰটো মুকলি কৰা হয় ৷ কেন্দ্ৰটোৰ উদ্বোধনী অনুষ্ঠানত বিটিআৰৰ বিজেপি পাৰিষদ ৰাজীৱ কুমাৰ ব্ৰহ্ম (BTR MCLA Rajib Brahma), যুটীয়া সচিব পামী ব্ৰহ্মৰ লগতে সমাজ কল্যাণ বিভাগৰ বিষয়ববীয়াসকল উপস্থিত থাকে ৷