তিনি ৰাজ্যত চৰকাৰ গঠনৰ দিশে বিজেপি; গুৱাহাটীত হৰ্ষোল্লাস দলীয় কৰ্মীৰ

গুৱাহাটী, ৩ ডিচেম্বৰ: দেওবাৰে পুৱাৰে পৰা চাৰিখন ৰাজ্য মধ্যপ্ৰদেশ, ছত্তীশগড়, তেলেংগানা আৰু ৰাজস্থানত অনুষ্ঠিত হৈ আছে ভোট গণনা। কিছু সময়ৰ পিচতে ভোটগণনাৰ ফলাফল ঘোষণা কৰিব ভাৰতৰ নিৰ্বাচন আয়োগে ৷  

চাৰি ৰাজ্যৰ ভিতৰত ইতিমধ্যে তিনিখনত অগ্ৰগতি লাভ কৰিছে ভাৰতীয় জনতা পাৰ্টীয়ে । তিনিখন ৰাজ্যতে জয়ৰ দিশে অগ্ৰসৰ হোৱাৰ মুহূৰ্ততেই ৰাজ্যকেইখনৰ লগতে আন ৰাজ্যতো বিজেপি কৰ্মীসকলৰ মাজত দেখিবলৈ পোৱা গৈছে হৰ্ষোল্লাস । 

দেশৰ বিভিন্ন প্ৰান্তৰ লগতে বশিষ্ঠস্থিত ভাৰতীয় জনতা পাৰ্টীৰ মুখ্য কাৰ্যালয় অটল বিহাৰী বাজপেয়ী ভৱনতো দেখিবলৈ পোৱা গৈছে পাৰ ভঙা উছাহ। কৰ্মীসকলে ইজনে আনজনক মিঠাই খুৱাই উদযাপন কৰিছে এই বিজয়ৰ মুহূৰ্ত ।

আনফালে বিজয় উল্লাসৰ বাবে বাজপেয়ী ভৱনত ইতিমধ্যে সাজু কৰি ৰখা হৈছে আতচবাজী । বিজয় ঘোষণা কৰাৰ লগে লগেই ফটকা ফুটাই পালন কৰা হ’ব বিজয় উৎসৱ ৷

লগতে পঢ়ক: ভূপেন বৰাক সন্তুষ্ট কৰিবলৈ লুৰীণজ্যোতিৰ নিকৃষ্ট মন্তব্য: বিজেপি