Dibrugarh municipal ward:ডিব্ৰুগড়ৰ পৌৰসভা ৱাৰ্ডৰ সদস্যা বিজেপি নেত্ৰী পূৰ্ণিমা বৰাৰ অকাল মৃত্যুত ডিব্ৰুগড়ত শোক

ডিব্ৰুগড়, 8 আগষ্ট : হৃদৰোগত আক্ৰান্ত হৈ বিজেপি নেত্ৰী পূৰ্ণিমা বৰাৰ মৃত্যু হয় । ডিব্ৰুগড় পৌৰসভাৰ ৩ নং ৱাৰ্ডৰ সদস্যা আছিল পূৰ্ণিমা বৰা । সোমবাৰে নিশা অসম চিকিৎসা মহাবিদ্যালয়ত বিজেপি নেত্ৰীগৰাকীৰ মৃত্যু হয় । তেওঁৰ মৃত্যুৰ খবৰে শোকাহত কৰি তুলিছে বিজেপিৰ নেতা-কৰ্মীসকলৰ মাজত ।

মঙলবাৰে আবেলি থানা চাৰিআলিস্থিত বিজেপিৰ মণ্ডল কাৰ্যালয়লৈ লৈ অনা হয় পূৰ্ণিমা বৰাৰ নশ্বৰদেহ । বিজেপিৰ নেতা-কৰ্মীসকলে শেষ শ্ৰদ্ধাঞ্জলি জনালে পূৰ্ণিমা বৰাৰ নশ্বৰদেহত । এগৰাকী অতি ভদ্ৰ আৰু অমায়িক মনৰ মহিলাৰ মৃত্যু কেৱল দলৰ বাবেই নহয় ডিব্ৰুগড়ৰ সমাজ জীৱনৰ বাবেও অপূৰণীয় ক্ষতি বুলি দলৰ নেতাসকলে মন্তব্য প্ৰকাশ কৰে ।

ডিব্ৰুগড়ৰ পৌৰসভা ৱাৰ্ডৰ সদস্যা বিজেপি নেত্ৰী পূৰ্ণিমা বৰাৰ অকাল মৃত্যুত শোকাস্তব্ধ হৈ পৰিছে ডিব্ৰুগড়ৰ ৰাইজ । জিলা বিজেপিৰ কাৰ্যালয়ত অগণন শুভাকাংক্ষী আৰু বিজেপিৰ কৰ্মীয়ে অশ্ৰুসিক্ত নয়নেৰে শেষ শ্ৰদ্ধাঞ্জলি জনালে পূৰ্ণিমা বৰাক । ইয়াৰ পাচতেই আজি স্থানীয় শ্মশানত শেষকৃত্য সম্পন্ন কৰা হয় পূৰ্ণিমা বৰাৰ ।

লগতে পঢ়ক : Eviction in Dibrugarh : ডিব্ৰুগড়ত পদপথৰ অবৈধ ব্যৱসায়ীক প্ৰতিষ্ঠানত চলিল পৌৰসভাৰ বুলড'জাৰ