Lok Sabha Election 2024: ভাগ্য উদয় হ’ব নে বিজেপি নেতা জয়ন্ত কুমাৰ দাসৰ !

গুৱাহাটী, ২ জুলাই: ভাগ্য উদয় হ’ব নে বিজেপি নেতা জয়ন্ত কুমাৰ দাসৰ ! এইবাৰ কিছু আশাৰ ৰেঙণি দেখিছে বিজেপি নেতা জয়ন্ত কুমাৰ দাসে ৷ ৰাষ্ট্ৰীয় পৰ্যায়লৈ মন মেলিছে বিজেপি নেতাগৰাকীয়ে ৷ দেওবাৰে তাৰে ইংগিত দিলে দাসে ৷ বেলতলাৰ সমাজ কল্যাণ বিভাগৰ অমল প্ৰভা ভৱনত বিজেপি নেতা জয়ন্ত কুমাৰ দাসে অনুৰাগীসকলৰ সৈতে মিলিত হয় এক আলোচনা সভাত ৷ 

‘‘গুৱাহাটী লোকসভা সমষ্টিত নির্বাচন খেলিবলৈ মই সাজু হৈছো ৷ অতি কম সময়ৰ ভিতৰতে দলৰ শীৰ্ষ নেতালৈ আবেদন কৰিম ৷ মন আছে, কিন্তু দলীয় নেতৃত্বই দিয়ে বা নিদিয়ে ! বিগত বিধানসভা নিৰ্বাচনতো দিছপুৰ সমষ্টিৰ পৰাই টিকট বিচাৰিছিলো ৷ কিন্তু নাপালো, এইবাৰ পাম বুলি আশা ৰাখিছো ৷’’ সভাৰ অন্তত এই মন্তব্য কৰে জয়ন্ত কুমাৰ দাসে ৷ 

২০০১ চনৰ পৰা বিজেপি দলৰ হৈ সক্ৰিয় ৰাজনীতিৰ লগত জড়িত হৈ আছে দাস । প্ৰাৰ্থীত্বৰ দাবীদাৰ হিচাবে এইবাৰৰ লোকসভা নিৰ্বাচনত দলে বিবেচনা কৰি বুলি আশা কৰিছে জয়ন্ত কুমাৰ দাসে ৷ 

লগতে পঢ়ক:Vegetable price hike: মহঙা হ’ল শাক-পাচলি; 100 টকাৰ তলত বজাৰত একোৱেই নাই