নলবাৰীত গণমিত্ৰ অসমৰ উদ্যোগত লাচিত দিৱস

নলবাৰী, ২৪ নৱেম্বৰ: আজি লাচিত দিৱস । মহাবীৰ লাচিত বৰফুকনৰ ৪০১ সংখ্যক জন্মদিন লাচিত দিৱস হিচাপে সমগ্ৰ ৰাজ্যত উদযাপন কৰা হৈছে । ব্যতিক্ৰম নহয় শিক্ষাৰ নৱদ্বীপ নলবাৰীও । জিলাখনৰ স্বেচ্ছাসেৱী অনুষ্ঠান গণমিত্ৰ অসমৰ উদ্যোগত দিনযোৰা কাৰ্যসূচীৰে লাচিত দিৱস উদযাপন কৰা হয় । নলবাৰী নাট্য মন্দিৰত অনুষ্ঠিত কৰা লাচিত দিৱসত পুৱাৰে পৰা বিভিন্ন কাৰ্যসূচী সফল ৰূপায়ণ কৰা হয় ।  

মহাবীৰ লাচিত বৰফুকনৰ প্ৰতিচ্ছবিত মাল্যাৰ্পণ আৰু বন্তি প্ৰজ্বলনৰে শুভাৰম্ভ কৰা গণমিত্ৰ অসমৰ লাচিত দিৱসত আয়তীৰ দিহা নাম প্ৰতিযোগিতা,মুকলি সভা আদি অনুষ্ঠিত হয় । মুকলি সভাত নলবাৰী সমাজ জীৱনৰ লগত জড়িত বিশিষ্ট ব্যক্তি সকলে লাচিত বৰফুকনৰ বীৰত্বৰ ওপৰত আলোকপাত কৰে । আনহাতে, সন্ধিয়া বাৰেৰহনীয়া সাংস্কৃতিক অনুষ্ঠান অনুষ্ঠিত হয় । 

লগতে পঢ়ক:পাপীসকল উপস্থিত নথকা প্ৰতিখন খেলতে ভাৰত জিকিছে; ইডেন বা ৱাংখেড়েত খেলিলে ফাইনেলতো জিকিলেহেতেন; মমতা বেনাৰ্জী