Bhaona at Kaliabor: ভাওনাত শিশুৰ অভিনয়ে মুগ্ধ কৰিলে দৰ্শকক

কলিয়াবৰ, 8 মে’: কলিয়াবৰৰ শ্ৰীশ্ৰীৰূপনাৰায়ণ পোৰাভেটি সত্ৰৰ নৱ-নিৰ্মিত নামঘৰত গুৰু আসন প্ৰতিষ্ঠা দিৱস উপলক্ষে দুদিনীয়া কাৰ্যসূচী হাতত লোৱা হৈছে । ১৬৯৭ খ্ৰীষ্টাব্দতে প্ৰতিষ্ঠা হোৱা কলিয়াবৰৰ শ্ৰীশ্ৰীৰূপনাৰায়ণ পোৰাভেটি সত্ৰত নামঘৰৰ গুৰু আসন প্ৰতিষ্ঠা দিৱস উপলক্ষে ভাওনা অনুষ্ঠিত কৰা হৈছে ।

শ্ৰীশ্ৰীৰূপনাৰায়ণ পোৰাভেটি সত্ৰৰ নৱ-নিৰ্মিত নামঘৰত গুৰু আসন প্ৰতিষ্ঠা দিৱস পালনৰ লগতে ভাগৱত পাঠৰ আয়োজন কৰা হৈছে । দুদিনীয়াকৈ অনুষ্ঠিত ধৰ্মীয় অনুষ্ঠানৰ লগতে অন্তিম দিনা নিশা শিশু আৰু যুৱকসকলৰ দ্বাৰা দৈত‍্যাৰী ঠাকুৰ প্ৰণেত 'নৃসিংহ যাত্ৰা' ভাওনা প্ৰদৰ্শন কৰা হয় ৷

মহাপুৰুষ শ্ৰীমন্ত শঙ্কৰদেৱ গুৰুজনাৰ অমৰ সৃষ্টিৰাজি অংকীয়া শৈলীৰ ভাওনাত যুৱকসকলৰ সমানে ফেৰ মাৰি শিশুসকলে ভাও লৈ উঠি অহা প্ৰজন্মৰ বাবে এক অনন্য নিদৰ্শন দাঙি ধৰে ।

লগতে পঢ়ক : Rangali Bihu 2023 : ৰজাহাউলী ৰংঘৰৰ বাকৰিত আয়োজন ব’হাগী উৎসৱ