All Assam Bhaona Competition 2023: ইতিহাস প্ৰসিদ্ধ বৰদলৈপাৰাত সদৌ অসম ভাওনা প্ৰতিযোগিতাৰ প্ৰস্তুতি

গোলাঘাটৰ ইতিহাস প্ৰসিদ্ধ মৰঙি মৌজাৰ কেন্দ্ৰস্থল মৰঙি চাৰিআলিৰ পানীকৰা গাঁও বৰদলৈপাৰাৰ বিশাল পথাৰত আয়োজিত হ’ব সদৌ অসম ভাওনা প্ৰতিযোগিতা (Bhaona Competition 2023) ৷ অহা ২০২৩ বৰ্ষৰ ২৬ জানুৱাৰীৰ পৰা ৮ ফেব্ৰুৱাৰীলৈ অনুষ্ঠিত হ’ব এই ভাওনা প্ৰতিযোগিতা । বৰ্তমানলৈ ৰাজ্যৰ ভিন্ন জিলাৰ ২৫টা দলে অংশগ্ৰহণ কৰাৰ বাবে পাণ্ডুলিপিসহ যোগদান মাচুল জমা কৰিছে । ইতিমধ্যে প্ৰেক্ষাগৃহৰ লাইখুঁটা স্থাপনৰ লগতে পূৰ্ণগতিত চলিছে প্ৰস্তুতিৰ কাম । ইয়াৰে অংশস্বৰূপে সোমবাৰে মৰঙিকে আদি কৰি দাঁতি কাষৰীয়া ভিন্ন প্ৰান্তৰ মহিলাসকল একত্ৰিত হৈ পুষ্পবিলাস বৈকুণ্ঠ ক্ষেত্ৰ নিৰ্মাণৰ বাবে নৰাকটা পৰ্ব অনুষ্ঠিত কৰে । লগতে আগন্তুক ভাওনা প্ৰতিযোগিতাৰ কাৰ্যসূচী সাফল্যমণ্ডিত কৰি তুলিবলৈ ৰাইজৰ সহযোগিতা কামনা কৰিছে আয়োজক সমিতিয়ে ।