Satra Land Enchrochment in Barpeta : সংবাদমেল যোগে অভিযুক্ত বিজেপি নেতাৰ চাফাই

বৰপেটাৰ মুকুট ৰঞ্জন দাস নামৰ এজন বিজেপি নেতাৰ বিৰুদ্ধে উত্থাপিত হৈ আহিছে সত্ৰৰ মাটি বেদখলৰ অভিযোগ (Satra Land Enchrochment in Barpeta)৷ এইছ আৰ ডি এছ নামৰ স্বেচ্ছাসেৱী সংগঠনটোৰ মুৰব্বী তথা স্থানীয় বিজেপি নেতা মুকুট ৰঞ্জন দাসে তেওঁৰ বিৰুদ্ধে উত্থাপিত অভিযোগ সন্দৰ্ভত দেওবাৰে এক সংবাদমেল সম্বোধন কৰে ৷ সংবাদমেলখনৰ জৰিয়তে তেওঁৰ বিৰুদ্ধে গণককুঁছি সত্ৰ(Ganakkuchi Satra Barpeta) পৰিচালনা সমিতিয়ে উত্থাপন কৰা অভিযোগ খণ্ডনৰ চেষ্টা চলায় ৷ সংবাদমেলত তেওঁ জনোৱা অনুসৰি স্বেচ্ছাসেৱী সংগঠনটোৰ নামত একেটা দাগৰ ৫ বিঘা মাটি বিচাৰি ২০০০ চনতে চৰকাৰৰ ওচৰত আবেদন জনোৱা হৈছিল ৷ ইয়াৰে ১ বিঘা মাটি ২০১০ চনত অনুষ্ঠিত এল এ চি বোৰ্ডৰ সভাই অনুমোদন জনোৱা বুলি তেওঁ দাবী কৰে ৷