Drugs peddler arrested:বৰপথাৰত ড্ৰাগছসহ আটক এটা ড্ৰাগছ সৰবৰাহকাৰী

সৰুপথাৰ, 11 আগষ্ট : ধনশিৰি মহকুমাৰ বৰপথাৰত ড্ৰাগছসহ আটক এটা ড্ৰাগছ সৰবৰাহকাৰী । এক গোপন সূত্ৰৰ ভিত্তিত বৰপথাৰ আৰক্ষীয়ে চলোৱা এক অভিযানত বৰপথাৰৰ শিমলুচাপৰিৰৰ পৰা গ্ৰেপ্তাৰ কৰে সৰবৰাহকাৰীটোক ।

কাৰ্বি আংলং জিলাৰ চিলনীজানৰ পৰা বৰপথাৰলৈ সৰবৰাহ কৰোতেই ড্ৰাগছসহ আৰক্ষীয়ে আটক কৰিছে সৰবৰাহকাৰীটোক । ধৃত সৰবৰাহকাৰীটোৰ নাম হৈছে মহন্ত কেৰ্কেটা । সৰবৰাহকাৰীটোৱে কাৰ্বি আংলং জিলাৰ চিলনীজানৰ পৰা বৰপথাৰ অঞ্চলৰ এজন যুৱকক দিৱৰ বাবে ড্ৰাগছখিনি লৈ আনিছিল । ড্ৰাগছ যোগান ধৰাৰ বিনিময়ত সৰবৰাহকাৰীটোয়ে ৪০০ টকা পোৱাৰ কথা স্বীকাৰ কৰে ৷

ইতিমধ্যে বৰপথাৰ আৰক্ষীয়ে এক গোচৰ ৰুজু কৰি এই সন্দৰ্ভত তদন্ত আৰম্ভ কৰিছে ।

লগতে পঢ়ক : Drugs Peddler Detained : নলবাৰীৰ লাওদলত দুই ড্ৰাগছ আসক্ত যুৱকক আটক আৰক্ষীৰ