দেৱজিৎ হাজৰিকাক সদৌ অসম কৈৱৰ্ত ছাত্ৰ সন্থাৰ 'অক্লান্ত প্ৰাণ ' বঁটা প্ৰদান

মাজুলী,২৭ ডিচেম্বৰ: মাজুলীত অনুষ্ঠিত কৰা হয় কৈৱৰ্ত ছাত্ৰ সন্থাৰ বঁটা প্ৰদান অনুষ্ঠান । সদৌ অসম কৈৱৰ্ত ছাত্ৰ সন্থাই প্ৰতি বছৰে জাতিৰ বাবে বৰঙণি আগবঢ়াই যোৱা একোজনকৈ ব্যক্তিক একোটিকৈ বঁটা প্ৰদান কৰি আহিছে । সদৌ অসম কৈৱৰ্ত ছাত্ৰ সন্থাই ২০২৩ বৰ্ষৰ 'অক্লান্ত প্ৰাণ' বঁটাটি  প্ৰদান কৰে মাজুলীৰ সন্তান দেৱজিৎ হাজৰিকাক । দেশ তথা জাতিৰ বাবে বিভিন্ন সময়ত মাত মাতি যোৱা আৰু জাতিটো জীয়াই ৰখাৰ উদ্দেশ্যে আগবঢ়োৱা অৱদানৰ বাবে তেওঁক এই বঁটাটি প্ৰদান কৰে বুলি জানিবলৈ দিছে ।  

২০২৩ বৰ্ষৰ বঁটা প্ৰদান অনুষ্ঠানটি অনুষ্ঠিত কৰা হয় মাজুলীৰ কমলাবাৰীৰ মিলন সংঘত । এই বঁটা গ্ৰহণ কৰি দেৱজিৎ হাজৰিকাই নিজকে সুখী অনুভৱ কৰা বুলি উল্লেখ কৰাৰ লগতে সদৌ অসম কৈৱৰ্ত ছাত্ৰ সন্থাক ধন্যবাদ জ্ঞাপন কৰে । আহি থকা দিনবোৰতো জাতিৰ হকে কাম কৰি যাব বুলি মন্তব্য আগবঢ়াই বঁটাপ্ৰাপক দেৱজিৎ হাজৰিকাই ।

লগতে পঢ়ক: শৰীৰ চৰ্চাৰে জিলিকিল মাজুলীৰ ভাস্কৰ