Arm wrestling: বিশ্ব পাঞ্জা প্ৰতিযোগিতাত স্বৰ্ণ পদকৰে জিলিকি উঠা মৃন্ময় তালুকদাৰক সম্বৰ্ধনা

ডিব্ৰুগড়, 13 অক্টোবৰ : মালেয়েছিয়াত ২৬ ছেপ্টেম্বৰৰ পৰা ১ অক্টোবৰলৈ অনুষ্ঠিত হোৱা বিশ্ব পাঞ্জা প্ৰতিযোগিতাত ডিব্ৰুগড়ৰ মৃন্ময় তালুকদাৰে সোণৰ পদক লাভ কৰি দেশলৈ গৌৰৱ কঢ়িয়াই আনিছিল । মালেয়েছিয়াত অনুষ্ঠিত হোৱা বিশ্ব পাঞ্জা প্ৰতিযোগিতাত সোণৰ পদক লাভ কৰা ডিব্ৰুগড় জিলাৰ নালিয়াপুলৰ খেলুৱৈ মৃন্ময় তালুকদাৰক আনুষ্ঠানিকভাৱে নিশা সম্বৰ্ধনা জনালে ডিব্ৰুগড় জিলাৰ পাঞ্জা সন্থাৰ বিষয়ববীয়া সকলে ।

জিলাৰ পাঞ্জা সন্থাৰ বিষয়ববীয়া সকলে মৃন্ময় তালুকদাৰৰ বাসগৃহত উপস্থিত হৈ ফুলাম গামোচা, শৰাই, সম্বৰ্ধনা পত্ৰ আৰু ফুলাম জাপিৰে সম্বৰ্ধনা জনায় । উল্লেখ্য যে, মালেয়েছিয়াত অনুষ্ঠিত হোৱা পাঞ্জা প্ৰতিযোগিতাত ১৫ বছৰ অনুৰ্ধ শাখাত ৬৩ কেজিত মৃন্ময় তালুকদাৰে সোণৰ পদক লাভ কৰি ডিব্ৰুগড় জিলাৰ লগতে দেশলৈ গৌৰৱ কঢ়িয়াই আনিবলৈ সক্ষম হৈছিল ৷

মালেয়েছিয়াত ২৬ ছেপ্টেম্বৰৰ পৰা ১ অক্টোবৰলৈ অনুষ্ঠিত হোৱা বিশ্ব পাঞ্জা প্ৰতিযোগিতাত অসমৰ ২৫ জন খেলুৱৈয়ে অংশগ্ৰহণ কৰিছিল । ইয়াৰে মাজত ৮ গৰাকী মহিলা খেলুৱৈয়ে অংশগ্ৰহণ কৰিছিল বিশ্ব পাঞ্জা প্ৰতিযোগিতাত । ৫০ খন দেশৰ প্ৰায় ৭০০ ৰো অধিক খেলুৱৈয়ে এই প্ৰতিযোগিতাত অংশগ্ৰহণ কৰা বুলি জানিব পৰা গৈছে ।

লগতে পঢ়ক : International arm wrestling competition: আন্তঃৰাষ্ট্ৰীয় পাঞ্জা প্ৰতিযোগিতাত অসম সন্তানৰ সোণৰ পদক