ARMS RECOVER: চাংসাৰীত যাত্ৰীবাহী বাছৰ পৰা পিষ্টল জব্দ

গুৱাহাটী, 23 জুলাই : কামৰূপ জিলাৰ চাংসাৰীত দেওবাৰে আৰক্ষীয়ে এখন যাত্ৰীবাহী বাছৰ পৰা এটা মাৰণাস্ত্ৰ জব্দ কৰিবলৈ সক্ষম হয় ৷ কামৰূপ জিলাৰ অতিৰিক্ত আৰক্ষী অধীক্ষক কল্যাণ পাঠকৰ নেতৃত্বত চলা অভিযানত জব্দ কৰা হয় এটা '32 পিষ্টল ৷ গোৰেশ্বৰ নাওকাটাৰ পৰা অহা গুৱাহাটী অভিমুখী বাছ এখনৰ পৰা জব্দ কৰা হয় অবৈধভাৱে লৈ অহা পিষ্টলটো ৷ 

আৰক্ষীয়ে সন্দেহ কৰা অনুসৰি মহানগৰীত কোনো লোকক যোগান ধৰিবলৈ অনা হৈছিল পিষ্টলটো ৷ খুচবু নামৰ বাছখনৰ চালকৰ চিটৰ তলত উদ্ধাৰ কৰা হয় পিষ্টলটো ৷ কামৰূপ আৰক্ষীয়েএক গোপন সূত্ৰৰ ভিত্তিত অভিযান চলাই চাংসাৰীৰ টোলগেটৰ পৰা আৰক্ষীৰ দলটোৱে জব্দ কৰে পিষ্টলটো ৷ 

আৰক্ষীয়ে AS25 BC 3711 নম্বৰৰ বাচখনৰ চালক প্ৰদীপ ৰাজবংশী আৰু হেন্দিমেন ৰুবুল আলীক আটক কৰি অধিক তথ্যৰ বাবে জেৰা কৰি থকা বুলি সাংবাদ মাধ্যমক জানিবলৈ দিয়ে ৷

লগতে পঢ়ক: Murder at Sonari: সোণাৰিত পুত্ৰৰ হাতত প্ৰাণ গ’ল পিতৃৰ