Amrit Kalash Yatra: হোজাইত অমৃত কলহ যাত্ৰাৰ সামৰণি

হোজাই,৬ অক্টোবৰ: সমগ্ৰ দেশৰ লগতে অসমতো অব্যাহত আছে প্রধানমন্ত্ৰী নৰেন্দ্ৰ মোদী নেতৃত্বাধীন কেন্দ্ৰীয় চৰকাৰে গ্ৰহণ কৰা 'মোৰ মাটি মোৰ দেশ' কাৰ্যসূচীৰ অন্তৰ্গত অমৃত কলহ যাত্রা ৷ সমান্তৰালভাৱে লামডিং সমষ্টিৰ বামুণ গাঁও পঞ্চায়তৰ উদ্যোগত বিভিন্ন প্ৰান্তৰ পৰা মাটি সংগ্ৰহ কৰি বৃহস্পতিবাৰে মোৰ মাটি মোৰ দেশ শীৰ্ষক কাৰ্যসূচীৰ অন্তৰ্গত অমৃত কলহ যাত্ৰাৰ সামৰণি মাৰে ।  

এক গাম্ভীৰ্যপূৰ্ণ কাৰ্যসূচীৰে বামুণ গাঁও পঞ্চায়তৰ সমূহ গাঁওবাসী ৰাইজৰ মাটি মিশ্রণ কৰি গাঁও পঞ্চায়তৰ কাৰ্যালয়ত অমৃত কলহ ৰখা হয় । লামডিং সমষ্টিৰ অন্তৰ্গত বামুণ গাঁও পঞ্চায়তে আয়োজন কৰা অমৃত কলহ যাত্ৰাত হোজাই জিলাৰ জিলা সমাজ কল‍্যাণ বিষয়া নীলেশ্বৰ ৰায়ে অংশগ্ৰহণ কৰে ৷ বামুণ গাঁওৰ পৰা আৰম্ভ কৰা অমৃত কলহ যাত্ৰাত দুই শতাধিক মহিলাই উৎসাহেৰে অংশগ্ৰহণ কৰে ৷ ইয়াৰ পিছতে বামুণ গাওঁ নাটঘৰৰ মঞ্চত কণ কণ শিশুসকলে বিহু নৃত্য প্ৰদৰ্শন কৰে ৷ শেষত ৰাষ্ট্ৰীয় সংগীতেৰে সভাৰ কাৰ্যসূচী সমাপ্ত হয় ।

লগতে পঢ়ক: Colleague opens fire : সেনাৰ বিৰুদ্ধে চলিল সেনাৰ গুলী, এজনৰ অৱস্থা সংকটজনক