Allegation on Rehab Centre: নিচামুক্তি কেন্দ্ৰৰ নামত প্ৰকৃততে চলিছে কি?

তিনিচুকীয়া, 2 নৱেম্বৰ: তিনিচুকীয়া জিলাৰ মাকুমৰ New group foundation নামৰ এটা নিচামুক্তি কেন্দ্ৰৰ বিৰুদ্ধে গুৰুতৰ অভিযোগ উত্থাপন হৈছে । ৰাজপথৰ কাষতে বহি থকা একাংশ যুৱকক ড্ৰাগছ আসক্তৰ সন্দেহত নিচামুক্তি কেন্দ্ৰত ভৰ্তি কৰাৰ অভিযোগ উত্থাপন কৰিছে ভুক্তভোগীৰ লগতে পৰিয়ালৰ লোকে ।

ঘটনাৰ বিৱৰণী অনুসৰি, যোৱা 29 তাৰিখে দুজন যুৱকক ৰাজপথৰ পৰা যুৱকৰ এটা দলে বাহনত উঠাই লৈ আহি New group foundation টোলৈ লৈ আহে ৷ তাৰ পিচতে যুৱক দুজনে তেওঁলোকক কিয় আনিছে বুলি সোধাত যুৱকৰ দলটোৱে ধমকি দি কয় যে, তেওঁলোকে যাতে নিজকে ড্ৰাগছ আসক্ত আৰু সৰবৰাহকাৰী বুলি পৰিচয় দিয়ে ৷ কিন্তু যুৱক দুজনে এই কথা মানি নোলোৱাত দুয়োকে মাৰধৰ কৰে দলটোৱে ৷ আনকি যুৱকৰ দলটোৱে যুৱকদ্বয়ে পিন্ধি থকা চেইন আৰু লগত থকা ধন পৰ্যন্ত কাঢ়ি লয় ৷ নিচামুক্তি কেন্দ্ৰটোত যুুৱক দুজনক আৱদ্ধ কৰি ৰাখি যুৱকৰ দলটোৱে মাৰপিট কৰে ৷

পৰৱৰ্তী সময়ত যুৱকদ্বয়ে কোনোমতে নিচামুক্তি কেন্দ্ৰটোৰ পলাই সাৰি ডিগবৈ আৰক্ষী থানাত দুখনকৈ এজাহাৰ দাখিল কৰিছে ৷  ইতিমধ্যে কেন্দ্ৰটোৰ সৈতে জড়িত এজনক আৰক্ষীয়ে আটক কৰাৰ লগতে তদন্ত অব্যাহত ৰখা বুলি জানিব পৰা গৈছে ৷

লগতে পঢ়ক: Fake doctor arrested: মৰিগাঁৱত ভুৱা চিকিৎসকৰ বিশাল নেটৱৰ্ক