Teachers Protest at Kaliabor: ৰাজ্যপাল আৰু মুখ্যমন্ত্ৰীলৈ চিঠি প্ৰেৰণেৰে ৰাজ্যৰ ভেন্সাৰ শিক্ষকৰ প্ৰতিবাদ

ৰাজ্যজুৰি ভেন্সাৰ শিক্ষকৰ অভিনৱ প্ৰতিবাদ (All Assam Venture School Teachers Protest)। চাকৰি নিয়মীয়াকৰণৰ দাবীত ডাকযোগে মুখ্যমন্ত্ৰী আৰু ৰাজ্যপাললৈ পত্ৰ প্ৰেৰণ ভেন্সাৰ শিক্ষকৰ । যোৱা শনিবাৰৰ পৰা ৰাজ্যজুৰি ভেন্সাৰ শিক্ষকসকলে পৃথকে পৃথকে মুখ্যমন্ত্ৰীলৈ পোষ্ট কাৰ্ড প্ৰেৰণ কৰাৰ লগতে সোমবাৰেও খণ্ড ভিত্তিত মুখ্যমন্ত্ৰী আৰু ৰাজ্যপাললৈ স্মাৰক পত্ৰ প্ৰেৰণ কৰে (Teachers Protest at Kaliabor) । ৰাজ্যৰ অ-প্ৰাদেশীকৃত নিম্ন প্ৰাথমিক আৰু উচ্চ প্ৰাথমিক বিদ্যালয়ৰ প্ৰায় ৯ হাজাৰ শিক্ষকে চাকৰি নিয়মীয়াকৰণৰ লগতে ভেন্সাৰ বিদ্যালয়ৰ টিউটৰসকলক শিক্ষকলৈ পদোন্নতি দিয়া, সম কামৰ সম মৰ্যাদা প্ৰদান আদিকে ধৰি ৫ দফীয়া দাবীত মুখ্যমন্ত্ৰী আৰু ৰাজ্যপাললৈ স্মাৰক পত্ৰ প্ৰেৰণ কৰে ভেন্সাৰ শিক্ষকসকলে । বাদ পৰি ৰোৱা নাই কলিয়াবৰৰ ভেন্সাৰ শিক্ষকসকলো ৷ সোমবাৰে কলিয়াবৰৰ ভেন্সাৰ শিক্ষকসকলে ডাক যোগে ৰাজ্যপাল আৰু মুখ্যমন্ত্ৰীলৈ পত্ৰ প্ৰেৰণ কৰি তেওঁলোকৰ দাবীসমূহ উত্থাপন কৰে (Venture School Teachers Protest at Kaliabor) ।