Cat hunting video: মেকুৰীয়ে চিকাৰ কৰাৰ ৰোমাঞ্চকৰ দৃশ্য বন্দী হ’ল কেমেৰাত

তেজপুৰ, ২৭ এপ্ৰিল : দুৰ্বলীক সহজেই পৰাজিত কৰাটো সহজ, কিন্তু বলীয়েও কেতিয়াবা বিচাৰে চিকাৰ কৰাৰ আনন্দ আৰু সহজ নহয় বুলি জানিও যেতিয়া দুৰ্বলীয়ে জীৱনটো বচাবলৈ যৎপৰোনাস্তি চেষ্টা কৰে ইয়ে অধিক আনন্দ প্ৰদান কৰে বলীক ৷ কোনো সময়ত চিকাৰীয়েও নিবিচাৰে চিকাৰৰ বলি হোৱাবোৰে সহজেই মৃত্যুক আকোঁৱালি লওক ৷ চিকাৰীয়ে জানে সহজেই কিবা এটা এটা লাভ কৰাতকৈ যুঁজি যুঁজি লাভ কৰাৰ আনন্দ অধিক ৷

আপোনালোকলৈ আগবঢ়াইছো এটা মেকুৰীয়ে চিকাৰ কৰাৰ ৰোমাঞ্চকৰ দৃশ্য ৷ দৃশ্যটো তেজপুৰৰ, বন্দী হৈছে ইটিভি ভাৰতৰ কেমেৰাত ৷ চিকাৰৰ সন্ধানত থকা এটা মেকুৰীৰ সন্মুখলৈ আহিল এটা প্ৰকাণ্ড এন্দুৰ ৷ তাৰ পাচৰ দৃশ্যটো থৰ লাগি চাই থাকিবলগীয়া (Scene of cat catching a rat) ৷ এন্দুৰটোৱে বাৰে বাৰে পলাবলৈ চেষ্টা কৰে মেকুৰীটোৰ সন্মুখৰ পৰা ৷ মেকুৰীটোৱেই এৰি দিয়ে মাজে-মাজে ৷ তাৰ পাচত পুনৰ থাপ মাৰি ধৰে ৷ চিকাৰী মেকুৰীটোৱে যেন চিকাৰৰ লগত ধেমালিহে কৰি আছে ৷ মাজে-মাজে জঁপিয়াই জঁপিয়াইয়ো আনন্দ কৰা দেখা গ'ল মেকুৰীটোক (cat hunting video) ৷ তেনে সময়তে এন্দুৰটো পলাবলৈ চেষ্টা কৰে যদিও পুনৰ থাপ মাৰি ধৰে মেকুৰীটোৱে ৷ এনেদৰে বহু ঘণ্টাজুৰি এন্দুৰটোৰ লগত মেকুৰীটোৱে ধেমালি কৰা দেখা গ'ল, যি দৃশ্যই মন মুহিলে বহুতৰে ৷

লগতে পঢ়ক : Thief trapped by locals: কলিয়াবৰত ৰাইজে দৌৰাই দৌৰাই ধৰিলে চোৰ