Attempt to murder: প্ৰেমৰ প্ৰস্তাৱ মানি নোলোৱা বাবেই যুৱতীৰ পিঠিত ছুৰীকাঘাত

নগাঁও,02 আগষ্ট: মঙলবাৰে নিশা নগাঁৱত সংঘটিত হৈছে এন ভয়ংকৰ ঘটনা । প্ৰেমৰ প্ৰস্তাৱ প্ৰত্যাখ্যান কৰাৰ বাবেই যুৱকে চোকা অস্ত্ৰৰে আক্ৰমণ কৰিলে যুৱতীক । ভাতৃৰ সন্মুখতেই যুৱতীক ছুৰীৰে আক্ৰমণ কৰা ঘটনাই সৃষ্টি কৰিছে ব্যাপক চাঞ্চল্যৰ । মঙলবাৰে নিশা নগাঁৱৰ মৰিকলঙত সংঘটিত হৈছে এই ঘটনা ।

অভিযোগ অনুসৰি বাছেদ নামৰ যুৱকে প্ৰেমৰ প্ৰস্তাৱ দিছিল যুৱতীগৰাকীক । কিন্তু যুৱতী গৰাকীয়ে প্ৰেমৰ প্ৰস্তাৱ প্ৰত্যাখ্যান কৰে । ফলতে মঙলবাৰে নিশা যুৱতীগৰাকী কৰ্মস্থলীৰ পৰা ভাতৃৰ সৈতে ঘৰলৈ গৈ থকা অৱস্থাত বাছেদ নামৰ যুৱকজনে ছুৰীৰে আক্ৰমণ কৰে যুৱতীগৰাকীক ।  

আহত যুৱতী গৰাকীক নিশাই নগাঁৱৰ ভোগেশ্বৰী ফুকননী চিকিৎসালয়ত ভৰ্তি কৰা হয় । এই ঘটনাৰ সন্দৰ্ভত নগাঁও আৰক্ষীয়ে অনুসন্ধান অব্যাহত ৰাখিছে যদিও এই পৰ্যন্ত অভিযুক্তক কৰায়ত্ব কৰিবলৈ সক্ষম হোৱা নাই ।

লগতে পঢ়ক: Suspected Murder case: চিপ লোৱা অৱস্থাত ৰহস্যজনকভাৱে যুৱক উদ্ধাৰ