Dead Body Recovered: বিবাহৰ বাবে মাথোঁ কেইটামান দিন, দৰাৰ ৰহস্যজনক মৃত্যু

নলবাৰী, ২৫ ছেপ্টেম্বৰ : নলবাৰীৰ দৰংগীপাৰাত নিজ পুখুৰীৰ পাৰত এজন লোকৰ মৃতদেহ উদ্ধাৰ কৰা হৈছে । মৃত লোকজন প্ৰদীপ কুমাৰ ডেকা(৪৫) বুলি চিনাক্ত কৰা হৈছে । লোকজনে প্ৰত্যেকদিনাৰ দৰে দেওবাৰে নিশাও নিজৰ পুখুৰী চাবলৈ গৈছিল আৰু তেতিয়াৰ পৰা নিৰুদ্দেশ হৈ আছিল প্ৰদীপ ।

তাৰ পিচতে সোমবাৰে পুৱা স্থানীয় লোকে লোকজনৰ মৃতদেহ নিজৰ পুখুৰীৰ পাৰতে প্ৰত্যেক্ষ কৰে । তাৰ পিছতে অঞ্চলটোত তীব্ৰ চাঞ্চল্যৰ সৃষ্টি হয় । লগে লগে স্থানীয় লোকে ঘটনা সংক্ৰান্তত পৰিয়ালৰ লোকক খবৰ দিয়ে । 

তাৰ পিচতে ঘটনাস্থলীত পৰিয়ালৰ লোক উপস্থিত হৈ মুকালমুৱা আৰক্ষীক খবৰ দিয়ে । এয়া হত্যা নে অন্য কিবা বৰ্তমানো জানিব পৰা হোৱা নাই । 

উল্লেখযোগ্য যে অহা অক্টোবৰ মাহৰ ১৭ তাৰিখে মৃত প্ৰদীপ কুমাৰ ডেকাৰ বিবাহৰ দিন আছিল । বিবাহৰ কেইদিনমান পূৰ্বে লোকজনৰ মৃতদেহ এনেদৰে ৰহস্যজনকভাৱে উদ্ধাৰ হোৱাত পৰিয়াল মাজত এতিয়া হাহাকাৰ পৰিস্থিতিৰ উদ্ভৱ হয় ৷  প্ৰদীপ কুমাৰ ডেকাৰ মৃত্যুৰ কাৰণ আৰক্ষীৰ তদন্তৰ পিচতহে পোহৰলৈ আহিব ।

লগতে পঢ়ক: Tense Situation at Rupohihat: ড্ৰাগছ মাফিয়াৰ আক্ৰমণত আহত মজিবুৰ ৰহমান খান; থানা ঘেৰাও সহস্ৰাধিক লোকৰ