ঘৰৰ পৰা মাতি নি মৰিয়াই মৰিয়াই হত্য়া এজনক

বঢ়মপুৰ, 24 নৱেম্বৰ: কচুৱাৰ খেৰণিত সংঘটিত হৈছে এক চাঞ্চল্যকৰ হত্যাকাণ্ড । ঘৰৰ পৰা মাতি নি মৰিয়াই মৰিয়াই হত্যা এজন লোকক ৷ নিহত লোকজন ৯ নং খেৰণিৰ প্ৰশান্ত ৰাভা । বৃহস্পতিবাৰে নিশা 8.30 বজাত নিহত প্ৰশান্ত ৰাভাক বাপুকণ পাটৰে ককাকৰ ঘৰত কাম এটা আছে বুলি মাতি নিয়ে ৷ কিন্তু আদবাটতে প্ৰশান্তক বাঁহেৰে বেয়াকৈ মাৰধৰ কৰিছিল বাপুকণে । প্ৰশান্ত ৰাভাই চিঞৰ বাখৰ কৰাত নিজ পুত্ৰই বাপুকণ পাটৰক বাধা প্ৰদান কৰিবলৈ বিচৰাত তেওঁকো মাৰধৰ কৰে । পৰৰ্বতী সময়ত গুৰুতৰভাবে আহত প্ৰশান্ত ৰাভাক নগাঁৱলৈ প্ৰেৰণ কৰা হয় যদিও চিকিৎসাধীন অৱস্থাতেই শুকুৰবাৰে প্ৰশান্ত ৰাভাৰ মৃত্যু হয় । ইতিমধ্যে হত্যাকাৰী বাপুকণ পাটৰক(পিলু) আটক কৰি কচুৱা আৰক্ষীয়ে ঘটনা সন্দৰ্ভত তদন্ত অব্যাহত ৰাখিছে । কিয় বাপুকণে প্ৰশান্তৰ প্ৰাণ ল’লে সেয়া এতিয়াও জানিব পৰা হোৱা নাই ৷ 

লগতে পঢ়ক: তিনিদিনে সন্ধান নাই চিকিৎসক বিকাশ ৰঞ্জন দাসৰ, কি আছে আত্মহত্যা