77th Independence Day: নলবাৰীৰ হাফিজীয়া মাদ্ৰাছাত উলহ-মালহেৰে পালন স্বাধীনতা দিৱস

নলবাৰী, 16 আগষ্ট: মঙলবাৰে সমগ্ৰ দেশে 77 সংখ্যক স্বাধীনতা দিৱস পালন কৰিলে ৷ ৰাজ্যৰ বিভিন্ন প্ৰান্তৰ দৰে নলবাৰী জিলাৰ বিভিন্ন প্ৰান্ততো পালন কৰে স্বাধীনতা দিৱস ৷ জিলাখনৰ বৰক্ষেত্ৰীৰ ১নং কান্ধবাৰী হাফিজিয়া মাদ্ৰাছাতো উলহ-মালহেৰে দেশৰ ৭৭ সংখ্যক স্বাধীনতা দিৱস পালন কৰে । আটক ধুনীয়াকৈ সজাৰ পৰাই তোলা হৈছিল মাদ্ৰাছাখন ৷

মাদ্ৰাছাখনৰ শিক্ষক, ছাত্ৰসকলে পুৱাই শুভ্ৰ পোছাক পিন্ধি হাতে হাতে ত্ৰিৰংগ পতাকা লৈ মাদ্ৰাছা প্ৰাংগণত উদযাপন কৰে স্বাধীনতা দিৱস । স্বাধীনতা দিৱস উপলক্ষে মঙলবাৰে দিনজোৰা কাৰ্যসূচীৰে বিভিন্ন খেল-ধেমালিৰ লগতে বিভিন্ন অনুষ্ঠানৰো আয়োজন কৰে ৷ ধৰ্মীয় শিক্ষাৰ লগতে শিক্ষাৰ্থী সকলে যাতে সাধাৰাণ শিক্ষা গ্ৰহণ কৰিব পাৰে তাৰো ব্যৱস্থা কৰা হৈছে ৷ ‘‘আমি যাতে শিক্ষাৰ্থীসকলক দেশৰ এজন সু-নাগৰিক হিচাপে গঢ়ি তুলিব পাৰো তাৰ বাবে চেষ্টা অব্যাহত ৰাখিম ৷’’ এই মন্তব্য কৰে মাদ্ৰাছাখনৰ শিক্ষকৰ ৷

লগতে পঢ়ক:77th Independence Day: নলবাৰীত ৰাষ্ট্ৰীয় পতাকা উৰুৱালে শ্ৰম মন্ত্ৰী সঞ্জয় কিষাণে