Celebration of 53rd Foundation Day: নৱম অসম আৰক্ষীৰ ৫৩ সংখ্যক প্ৰতিষ্ঠা দিৱস

বঢ়মপুৰ,১৪ ছেপ্টেম্বৰ: বহু কেইজন আৰক্ষী শ্বহীদৰ বীৰ গাঁথাৰে উদ্ভাসিত তথা সুদীৰ্ঘকাল অসমবাসীৰ জনহিতাৰ্থে সেৱা আগবঢ়াই আহিছে নৱম অসম আৰক্ষী বাহিনীয়ে । নগাঁও জিলাৰ বঢ়মপুৰস্থিত নৱম অসম আৰক্ষী বাহিনীটোৱে আজিৰ এই বিশেষ দিনটোত পুৱাৰে পৰা পালন কৰিছে ৫৩ সংখ্যক প্ৰতিষ্ঠা দিৱস । বাহিনীটোৰ প্ৰতিষ্ঠা দিৱসৰ অনুষ্ঠানত ৰাজ্যখনৰ মধ্য মণ্ডলৰ আৰক্ষী মহাপৰিদৰ্শক দেৱজ্যোতি মুখাৰ্জীয়ে অংশ গ্ৰহণ কৰি বাহিনীটোৰ অভিবাদন গ্ৰহণ কৰে ।  

বাহিনীটোৰ প্ৰতিষ্ঠা দিৱসৰ অনুষ্ঠানৰ আঁত ধৰে বাহিনীটোৰ অধিনায়ক মুকুট ৰাভাই । অনুষ্ঠানটোত উপস্থিত থাকে বঢ়মপুৰৰ বিভিন্ন মহলৰ গণ্য-মান্য ব্যক্তিৰ লগতে স্থানীয় ৰাইজ । উল্লেখ্য যে, ১৯৭০ চনত শ্বিলঙত জন্মগ্ৰহণ কৰা বাহিনীটোৰ ৫৩ তম প্ৰতিষ্ঠা দিবসটি পৰম্পৰাগতভাৱে এটা কেক কাটি সকলোৱে উদযাপন কৰাৰ লগতে খেল-ধেমালি, নৃত্য, আদি বিভিন্ন কাৰ্যসূচীৰ লগতে নিশা এক সাংস্কৃতিক অনুষ্ঠান আয়োজন কৰিছে ।  

লগতে পঢ়ক:  CM’s wife Land scam: মুখ্যমন্ত্ৰী পত্নীৰ মাটি ক্ৰয়ৰ প্ৰসংগক লৈ নতুন তথ্যৰে বিধানসভা চৌহদত সৰৱ অখিল গগৈ