Theft incident at Guwahati: গুৱাহাটীৰ অলিয়ে-গলিয়ে ভিক্ষাৰীৰ ছদ্মবেশত দুৰ্ধৰ্ষ চোৰ

গুৱাহাটী মহানগৰীৰ অলিয়ে গলিয়ে এতিয়া ভিক্ষাৰীৰ ছদ্মবেশত পিতপিতাই ফুৰিছে গভাইত চোৰ(Thief Disguised as Beggar) ৷ নিশা হ’লেই এই ছদ্মবেশী চোৰে সন্ত্ৰাসৰ সৃষ্টি কৰি আহিছে মহানগৰীৰ বিভিন্ন স্থানত । এই চোৰৰ বিৰুদ্ধে মহানগৰ আৰক্ষীয়ে শুকুৰবাৰে নিশা অভিযান চলাই শুক্লেশ্বৰ ঘাট, ভাস্কৰ নগৰ আৰু নবীন নগৰৰ পৰা ৫ টাকৈ চোৰক আটক কৰিবলৈ সক্ষম হয়(Thief arrested at Guwahati) । গীতানগৰ আৰক্ষীয়ে আটক কৰা ধৃত চোৰকেইটা ক্রমে আকাশ দাস (২৪), ৰাজু মেধি (২৬), সঞ্জীৱ বৈশ্য (২৯), শুভম নায়ক (২৪) আৰু বিকি দাস (১৯) বুলি জানিব পৰা হৈছে । আৰক্ষীয়ে জানিবলৈ দিয়া মতে, ধৃত চোৰকেইটাই বিগত সময়চোৱাত মহানগৰীৰ বিভিন্ন স্থানত চুৰি কাৰ্য সংঘটিত কৰি আহিছিল । এই সন্দৰ্ভত ভুক্তভোগী লোকে গীতানগৰ থানাত(Gitanagar Police Station, Guwahati) দাখিল কৰা এজাহাৰৰ ভিত্তিত আৰক্ষীয়ে তদন্ত প্ৰক্ৰিয়া অব্যাহত ৰাখি মহানগৰীৰ ভিন্ন স্থানৰ পৰা চোৰকেইটাক গ্ৰেপ্তাৰ কৰিবলৈ সক্ষম হয় ।