দুখন বাইকৰ মাজত মুখামুখি সংঘৰ্ষ, তিনি আহত

মৰিগাঁও, 13 ডিচেম্বৰ : মঙলবাৰে নিশা মৰিগাঁও জিলাৰ শংকৰদেৱ নগৰত ভয়ংকৰ পথ দুৰ্ঘটনাৰ সংঘটিত হৈছে ৷ দুখন বাইকৰ মাজত হোৱা মুখামুখি সংঘৰ্ষৰ ফলত আহত হয় তিনিজন লোক ৷ শংকৰদেৱ নগৰৰ তিনি আলিত পথত এই দুৰ্ঘটনাৰ ঘটনা সংঘটিত হয় । 

লগে লগে স্থানীয় লোকে দুৰ্ঘটনাত পতিত হোৱা দুই যুৱক আৰু এজন আদবয়সীয়া লোকক মুমূর্ষ অৱস্থাত মৰিগাঁও শ্বহীদ তিলক হেমৰাম গুণাভিৰাম অসামৰিক চিকিৎসালয়ত ভৰ্তি কৰায় ৷ দুই যুৱকৰ ঘৰ মৰিগাঁও আৰক্ষী থানাৰ অন্তৰ্গত মৈধালি পথাৰত বুলি জানিব পৰা গৈছে ৷
ইফালে স্থানীয় লোকে জৰুৰীকালীন 108 সেৱাক জনাইছিল যদিও সময়মতে 108 আহি নোপোৱাত স্থানীয় ৰাইজৰ সহযোগত চিকিৎসালয়লৈ যোৱা হয় আহত তিনি জনক। আনজন ব্যক্তিৰ পৰিচয় বৰ্তমানলৈ জানিব পৰা হোৱা নাই ৷ আহত তিনিজনৰে এজন যুৱকৰ অৱস্থা সংকটজনক বুলি জানিব পৰা গৈছে ৷

লগতে পঢ়ক: সম্পত্তিৰ বাবেই শাহুৱেকক ঘৰৰ পৰা খেদিলে বোৱাৰীয়ে