Death anniversary of Hiteshwar Saikia : প্ৰয়াত প্ৰাক্তন মুখ্যমন্ত্ৰী হিতেশ্বৰ শইকীয়াৰ ২৭ তম মৃত্যু বাৰ্ষিকী পালন

আমগুৰি, ২২ এপ্ৰিল : নাজিৰাত অসমৰ প্ৰাক্তন মুখ্যমন্ত্ৰী প্ৰায়ত হিতেশ্বৰ শইকীয়াৰ ২৭ তম মৃত্যু বাৰ্ষিকী পালন কৰা হয় (27th death anniversary of Hiteshwar Saikia) । শনিবাৰে নাজিৰাত নাজিৰা ব্লক কংগ্ৰেছ কমিটী আৰু ভাৰতীয় জাতীয় ছাত্ৰ ইউনিয়ন ৰাজ্যিক কমিটীৰ উদ্যোগত দিনযোৰা কাৰ্যসূচীৰে পালন কৰা হয় অসমৰ প্ৰাক্তন মুখ্যমন্ত্ৰী হিতেশ্বৰ শইকীয়াৰ ২৭ তম মৃত্যু বাৰ্ষিকী ।

অসমৰ প্ৰাক্তন মুখ্যমন্ত্ৰীগৰাকীৰ ২৭ তম মৃত্যু বাৰ্ষিকীৰ লগত সংগতি ৰাখি তেওঁৰ সমাধিস্থলত সৰ্বধৰ্ম প্ৰাৰ্থনা, দিহানাম পৰিৱেশন কৰা হয় ৷ লগতে হিতেশ্বৰ শইকীয়া সোঁৱৰণিত মহকুমা চিকিৎসালয়ত ৰোগীসকলৰ মাজত ফল-মূল বিতৰণ কৰা হয় ৷ ইয়াৰোপৰি নাজিৰাৰ এম.চি. ক্লাৱত কৰ্মশ্ৰী হিতেশ্বৰ শইকীয়াৰ সোঁৱৰণিত সদৌ অসম ভিত্তিত দ্বিতীয় বাৰ্ষিক যুক্তিনিনাদ তৰ্ক প্ৰতিযোগিতা অনুষ্ঠিত কৰা হয় ।

এই অনুষ্ঠানত উপস্থিত থাকে নাজিৰাৰ প্ৰাক্তন বিধায়িকা তথা হিতেশ্বৰ শইকীয়াৰ পত্নী হেমপ্ৰভা শইকীয়া, নাজিৰা সমষ্টিৰ বৰ্তমানৰ বিধায়ক তথা প্ৰয়াত মুখ্যমন্ত্ৰীগৰাকীৰ পুত্ৰ দেৱব্ৰত শইকীয়াৰ  লগতে কেইবাগৰাকীও বিশিষ্ট ব্যক্তি ।

লগতে পঢ়ক : Eid Ul Fitr 2023: ৰাজ্যজুৰি পবিত্ৰ ঈদ উল ফিটৰ উদযাপন