উদুলি-মুদুলি সাহিত্যৰথী লক্ষ্মীনাথ বেজবৰুৱা সমন্বয় ক্ষেত্ৰৰ বাকৰি

মৰিগাঁও, 21 নৱেম্বৰ : মঙলবাৰৰে পৰা তিনিদিনীয়া বিস্তৃত কাৰ্যসূচীৰে মৰিগাঁও সাহিত্যৰথী লক্ষ্মীনাথ বেজবৰুৱা সমন্বয় ক্ষেত্ৰত অনুষ্ঠিত হৈছে সদৌ অসম ছাত্ৰ সন্থাৰ অষ্টাদশ মৰিগাঁও অধিবেশন । সদৌ অসম ছাত্ৰ সন্থাৰ অধিৱেশনৰ প্ৰথম দিনাৰ কাৰ্যসূচী অনুসৰি পুৱাৰ ভাগত প্ৰয়াত প্ৰদীপ শইকীয়া সোঁৱৰণী গ্ৰন্থমেলাখন উদ্বোধন কৰে চৰাইবাহী মহাবিদ্যালয়ৰ অধ্যক্ষ ড৹ কমল চন্দ্ৰ নাথে ।

আনহাতে প্ৰয়াত দেৱেন্দ্ৰ নাথ হাজৰিকা সোঁৱৰণী বাণিজ্য মেলাৰ উদ্বোধন কৰে মৰিগাঁও উচ্চতৰ মাধ্যমিক আৰু বহুমুখী বিদ্যালয়ৰ অধ্যক্ষ দিব্যজ্যোতি তামুলীয়ে । এই অনুষ্ঠানৰ আঁত ধৰে আদৰণি সমিতিৰ সম্পাদক তথা সদৌ অসম ছাত্ৰ সন্থাৰ ভাৰপ্ৰাপ্ত সভাপতি উৎপল কুমাৰ শৰ্মাই । 

আজিৰ পৰা অনুষ্ঠিত মৰিগাঁও অধিৱেশনত ৰাজ্যখনৰ দহ সহস্ৰাধিক ছাত্ৰ সংগঠনটোৰ প্ৰতিনিধিক আদৰিবলৈ সাজু হৈছে আদৰণি সমিতি । অধিৱেশনত অনুষ্ঠিত হ’ব কুইজ আৰু তৰ্ক প্ৰতিযোগিতা ৷ আনহাতে নিশা ন বজাত মৰিগাঁও মহাবিদ্যালয়ত অনুষ্ঠিত হ’ব দিনটোৰ অন্তিমখন কাৰ্যনিৰ্বাহ সভা ।

লগতে পঢ়ক : দহ সহস্ৰাধিক ছাত্ৰ প্ৰতিনিধিক আদৰিবলৈ সাজু আছুৰ মৰিগাঁও অধিৱেশনৰ আদৰণি সমিতি