Three thieves arrested in Khowang: খোৱাঙত একেনিশাই ১২ টাকৈ দমকল চুৰি

ডিব্ৰুগড়,৮ আগষ্ট: ডিব্ৰুগড় জিলাৰ মৰাণত কেইটামান দিনৰ পুৰ্বে একে দিনাই তিনিটাকৈ পৰিয়ালত চুৰি কাণ্ড সংঘটিত কৰি চুৰে লৈ গৈছিল পৰিমাণৰ ধন-সোণ  । মৰাণৰ পাছতেই এইবাৰ চোৰৰ উপদ্ৰৱ চলিছে খোৱাঙত । ডিব্ৰুগড়ৰ খোৱাঙত দেওবাৰে একেনিশাই চুৰি হ'ল ১২ টাকৈ দমকল ।  

খোৱাং অঞ্চলৰ বিদ্যালয়, ৰাজহুৱা স্থান, ব্যক্তিৰ ঘৰ আদিৰ পৰা দেওবাৰে নিশা চোৰে লৈ গ'ল ১২ টা দমকল, ২ বস্তা তামোল । ইয়াৰ পাছতে বিদ্যালয় কৰ্তৃপক্ষৰ লগতে বিভিন্ন জনৰ অভিযোগৰ পাছতে খোৱাং আৰক্ষীয়ে চলাইছিল অভিযান । অভিযানত সোমবাৰে নিশা ৩ টা চোৰক গ্ৰেপ্তাৰ কৰিবলৈ সক্ষম হয় খোৱাং আৰক্ষী ।  

গ্ৰেপ্তাৰ হোৱা চোৰ কেইটা খোৱাঙৰ সুনিল দাস, আকাশ দাস, জয়ন্ত দাস বুলি জানিব পৰা গৈছে । ইফালে আৰক্ষীয়ে জনোৱা অনুসৰি ক্ষীৰোদ দাস নামৰ আৰু এটা চোৰ বৰ্তমানো পলাতক হৈ আছে । চোৰ কেইটাৰ পৰা ৬ টা দমকল আৰক্ষীয়ে উদ্ধাৰ কৰিছে যদিও বাকী ৬ টা দমকল আৰু ২ বস্তা তামোল এতিয়াও উদ্ধাৰ কৰিব পৰা নাই । 

লগতে পঢ়ক: Drugs seized in Hojai: হোজাইত ড্ৰাগছসহ দুই মহিলা আৰু এজন যুৱকক আটক