Assam Municipal Election 2022 : পৌৰ নিৰ্বাচনৰ বাবে সাজু নগাঁও

6 মাৰ্চ অৰ্থাৎ অহা কাইলৈ অনুষ্ঠিত হ’ব ৰাজ্যৰ পৌৰসভা নিৰ্বাচন (Assam municipal election 2022) ৷ যাৰ বাবে সম্পূৰ্ণ সাজু হৈ উঠিছে নগাঁও জিলা প্ৰশাসন (Municipal election preparation in Nagaon) ৷ জানিব পৰা মতে, নগাঁও পৌৰসভাৰ 55 গৰাকী প্ৰাৰ্থীৰ ভাগ্য নিৰ্ণয় কৰিব 106,422 গৰাকী ভোটাৰে । ইতিমধ্যে নগাঁৱৰ নগাঁও পৌৰসভা, ধিং, ৰহা, কামপুৰ নগৰ সমিতিৰ নিৰ্বাচনৰ বাবে মুঠ 151 টা ভোটগ্ৰহণ কেন্দ্ৰ স্থাপন কৰি মুঠ 492 গৰাকী পলিং আৰু 164 গৰাকী প্ৰিজাইডিং বিষয়া নিয়োগ কৰা হৈছে । দেওবাৰে অনুষ্ঠিত হ’বলগীয়া পৌৰ নিৰ্বাচনৰ বাবে পর্যাপ্ত নিৰাপত্তাৰ ব্যৱস্থা কৰিছে নগাঁও আৰক্ষী প্ৰশাসনে ।