Massive fire at Kakopothar: অগ্নিকাণ্ডত কথমপি প্ৰাণ ৰক্ষা দুই বয়োজ্যেষ্ঠৰ

কাকপথাৰত নিশা সংঘটিত হয় ভয়ংকৰ অগ্নিকাণ্ড (Massive fire at Kakopothar) ৷ কাকপথাৰ আৰক্ষী থানাৰ অন্তগত কাকপথাৰ শান্তিপুৰত নিশা ১বজাত সংঘটিত হোৱা অগ্নিকাণ্ডত অমৃত বৰগোহাঁই আৰু মাধুয্য ফুকন নামৰ ব্যক্তি দুজনৰ দুয়োখন গেলামালৰ দোকান সম্পূৰ্ণৰূপে জ্বলি ভস্মীভূত হয় ৷ অমৃত বৰগোহাঁইৰ দোকানত প্ৰায় ৫ লাখ টকাৰ সামগ্ৰী জ্বলি নষ্ট হোৱাৰ বিপৰীতে মাধুয্য ফুকনৰ দোকানতো সমসংখ্যক সামগ্ৰী জ্বলি নষ্ট হোৱা বুলি জানিবলৈ দিয়ে ৷ উল্লেখ্য যে, অমৃত বৰগোহাঁইৰ গেলামাল দোকানত অমৃতৰ বৃদ্ধ পিতৃ-মাতৃ শুই আছিল ৷ অৱশ্যে জুইৰ পৰা কথমপি ৰক্ষা পৰে দুয়োগৰাকী বয়োজ্যেষ্ঠ ৷ নিশাই অগ্নিনিৰ্বাপক বাহিনীৰ গাড়ী উপস্থিত হয় যদিও তেতিয়ালৈকে সম্পূৰ্ণ ৰূপে জ্বলি ভস্মীভূত হয় দুয়োখন গেলামাল দোকান ৷