Gambler arrested: মাণিকপুৰত নগদ ধনসহ আটক জুৱাৰী

ৰাজ্যজুৰি অপৰাধ নিয়ন্ত্ৰণৰ বাবে কঠোৰতকৈ কঠোৰ স্থিতি গ্ৰহণ কৰিছে অসম আৰক্ষীয়ে ৷ প্ৰত্যেক দিনাই অবৈধ দ্ৰব্যৰ বিৰুদ্ধে অসম আৰক্ষীয়ে চলাইছে অভিযান ৷ শেহতীয়াকৈ বঙাইগাঁও জিলাৰ মাণিকপুৰ আৰক্ষী থানাৰ অন্তৰ্গত গেৰুকাবাৰী ঘোষ ধাবাত গেৰুকাবাৰী তহলদাৰী আৰক্ষী চকীৰ আৰক্ষীয়ে অভিযান চলাই 5 জনকৈ জুৱাৰীক আটক কৰে (Gambler arrested at Manikpur) ৷ শনিবাৰে এক গোপন তথ্যৰ ভিত্তিত চলা এই অভিযানত অভিযানকাৰী আৰক্ষীৰ দলটোৱে নগদ ধনসহ গেৰুকাবাৰী ঘোষ ধাবাৰ মালিক জুলহক আলী, কৃষ্ণ চৌহান, বিজন নাৰ্জাৰী, লক্ষ্মন চৌহান আৰু মুন্না চৌহানক আটক কৰে ৷ ইতিমধ্যে আৰক্ষীয়ে আটকাধীন জুৱাৰীকেইজনক জেল হাজতলৈ প্ৰেৰণ কৰিছে ।