Drug dealers arrested in Guwahati: বামুনীমৈদামত ড্ৰাগছসহ গ্ৰেপ্তাৰ সৰবৰাহকাৰী

ৰাজ্যখনত ভয়াৱহ নিষিদ্ধ ড্ৰাগছকে ধৰি নিচাজাতীয় সামগ্ৰীৰ বিৰুদ্ধে অসম আৰক্ষী পূৰ্বতকৈ অধিক কঠোৰ হৈ অব্যাহত ৰাখিছে তীব্ৰ অভিযান (Anti drugs mission by Assam police)৷ এনে অভিযানৰ পিছতো একাংশ ড্ৰাগছ সৰবৰাহকাৰীয়ে চলাই আছে ড্ৰাগছৰ ৰমৰমীয় ব্যৱসায় । মহানগৰ আৰক্ষীয়েও ড্ৰাগছৰ বিৰুদ্ধে অভিযান অব্যাহত ৰখাৰ মাজতেই চানমাৰি থানাৰ আৰক্ষীয়ে মঙলবাৰে নিশা বামুনীমৈদামৰ ভাস্কৰনগৰত গ্ৰোপ্তাৰ কৰে এটা ড্ৰাগছ সৰবৰাহকাৰীক (Drug dealers arrested at Bamunimaidam) । আৰক্ষীয়ে তেওঁৰ পৰা বুজন পৰিমাণৰ হেৰ'ইনৰ লগতে নগদ ধন আৰু এটা ম'বাইল ফোন জব্দ কৰে । ধৃত ড্ৰাগছ সৰবৰাহকাৰীটো হৈছে নলবাৰীৰ অজয় দাস । আৰক্ষীয়ে উল্লেখ কৰা মতে ধৃত অজয় দাসে ভাস্কৰ নগৰত ভাড়াতীয়া হিচাপে থাকি দীৰ্ঘদিন ধৰি উক্ত অঞ্চলটোত ড্ৰাগছৰ ৰমৰমীয়া বেহা চলাই আহিছিল ।