কলগাছিয়াৰ দাৱনদিয়াৰ পথ দুৰ্ঘটনাত আহত দুই যুৱক

জনিয়া, 26 নৱেম্বৰ : শনিবাৰে নিশা কলগাছিয়াৰ দাৱনদিয়াত সংঘটিত হয় এক পথ দুৰ্ঘটনা । কলগাছিয়া দিশৰ পৰা বালাগাঁও দিশে গৈ থকা তীব্ৰবেগী AS15Q7249 নম্বৰৰ এখন বাহন নিয়ন্ত্ৰণ হেৰুৱাই পথৰ দাঁতিৰ দ-খাৱৈত বাগৰি পৰে । এই দুৰ্ঘটনাত দুজন লোক আহত হয় বুলি জানিব পৰা গৈছে ৷

স্থানীয় ৰাইজৰ অভিযোগ অনুসৰি, দুৰ্ঘটনাত পতিত হোৱা বাহনখনত চাৰিজনকৈ যুৱক আছিল ৷ দুৰ্ঘটনা সংঘটিত হোৱাৰ পাচতে দুজন যুৱকে পলায়ন কৰে ৷ কিন্তু আন দুজন যুৱক দুৰ্ঘটনাগ্ৰস্ত বাহনখনতে আৱদ্ধ হৈ পৰে ৷ পৰৱৰ্তী সময়ত স্থানীয় ৰাইজে উদ্ধাৰ কৰে দুই যুৱকক ৷ সুৰা সেৱন কৰি গাড়ী চলোৱাৰ বাবে এই দুৰ্ঘটনা হোৱা বুলি উল্লেখ কৰে ৰাইজে ৷

আনহাতে, আহত যুৱকদ্বয় হ’ল হাবিব আৰু শ্বাহ আলম ৷ পৰৱৰ্তী সময়ত আহত কেইজনক কলগাছিয়া অসামৰিক চিকিৎসালয়লত ভৰ্তি কৰোৱা হয় ৷

লগতে পঢ়ক : ৰাজহ সংগ্ৰহৰ বাবে বিভাগ চলোৱা নাই : পৰিমল শুক্লবৈদ্য