Papon in Chicago: টাইম স্কোৱাৰত লালৈৰ পিচত এইবাৰ চিকাগ’ত সংগীতৰ মায়াজাল পাপনৰ

চিটাৰা ডেস্ক,30 অক্টোবৰ: শেহতীয়াকৈ নিউয়ৰ্কৰ টাইম স্কোৱাৰতো বাজিছিল অসম সন্তান অংগৰাগ পাপন মহন্তৰ ‘লালৈ’ । ইয়াৰ পিচতে ছ’চিয়েল মিডিয়াত ভাইৰেল হৈ পৰিছিল এই ভিডিঅ’ ৷ ইয়াৰ মাজতে এতিয়া আমেৰিকাৰ চিকাগ’ত সংগীতানুষ্ঠান পৰিৱেশন কৰিলে পাপনে ৷ পাপনৰ সংগীতত মন্ত্ৰমুগ্ধ হৈ পৰে অনুৰাগী ৷

দৰাচলতে ২৯ অক্টোবৰত Bengali Association of Greater Chicago (BAGC) ৰ উদ্যোগত আয়োজন কৰা হৈছিল দুৰ্গা পূজাৰ এক বিশেষ অনুষ্ঠান ৷ এই অনুষ্ঠানত আমন্ত্ৰণ কৰা হৈছিল অসম সন্তান পাপনক ৷ পাপনে এই অনুষ্ঠানটোত নিজৰ কেইবাটাও জনপ্ৰিয় গীত পৰিৱেশনেৰে মন্ত্ৰমুগ্ধ কৰি তোলে দৰ্শকক ৷ কেৱল ইমানেই নহয়, হিন্দী, বঙালীৰ উপৰিও বিহু গায় সকলোকে আমেৰিকাত বিহুৰ আমেজ দিয়ে শিল্পীগৰাকীয়ে ৷  

উল্লেখযোগ্য যে, আমেৰিকাৰ বিভিন্ন ঠাইত সংগীতানুষ্ঠান পৰিৱেশন কৰা পাপন অংগৰাগ মহন্তৰ চিকাগ’ত আছিল এয়া অন্তিমটো শ্ব’ ৷

লগতে পঢ়ক: Latest Bihu Fusion song Ibaasi : টাইম স্কোৱাৰৰ পৰা বিশ্বই শুনিলে পাপনৰ কণ্ঠ