নতুন দিল্লী : দেশৰ ৰাজধানী চহৰ নতুন দিল্লীৰ ৰে'ল ষ্টেচনত অঘটন । বৰ্তমান সময়লৈকে লাভ কৰা তথ্য মতে, ৰে'ল ষ্টেচনত পদপিষ্ট হৈ ১৮ গৰাকী লোকৰ মৃত্যুৰ খবৰ পোৱা গৈছে । ইফালে ১২ গৰাকী আহতক চিকিৎসালয়ত ভৰ্তি কৰোৱা হৈছে ।
প্ৰয়াগৰাজৰ মহাকুম্ভ মেলালৈ যোৱাৰ বাবে ষ্টেচনত প্ৰচণ্ড ভিৰৰ মাজতে এই ঘটনা সংঘটিত হয় । জানিব পৰা মতে ১২, ১৩, ১৪, ১৫ আৰু ১৬ নম্বৰ প্লেটফৰ্মত যাত্ৰীৰ অভাৱনীয় ভিৰ হৈছিল । কেন্দ্ৰীয় চৰকাৰে ইতিমধ্যে ঘটনাৰ তদন্তৰ নিৰ্দেশ দিছে । দুৰ্ঘটনাটোৰ পিছত লোক নায়ক চিকিৎসালয় প্ৰশাসনে ১৮ গৰাকী লোকৰ মৃত্যু নিশ্চিত কৰিছে ।
#UPDATE | A call was received that 15 people had been injured in a stampede-like situation at New Delhi Railway Station. 4 fire tenders at the spot: Delhi Fire Service
— ANI (@ANI) February 15, 2025
More details awaited
ৰে'ল বিভাগৰ বিষয়াসকলৰ মতে, যিহেতু দেওবাৰে বন্ধ, সেয়ে শনিবাৰে প্ৰয়াগৰাজলৈ যোৱাৰ উদ্দেশ্যে বৃহৎ সংখ্যক লোকে ৰে'ল ষ্টেচনত সমবেত হৈছিল । শনিবাৰে বেছি পৰিমাণৰ সাধাৰণ টিকটো জাৰি কৰা হৈছিল ।
#WATCH | Delhi | Morning visuals from outside of the LNJP hospital where those injured in the stampede that occurred at New Delhi railway station yesterday around 10 PM are admitted
— ANI (@ANI) February 16, 2025
18 people including 14 women lost their lives in the stampede pic.twitter.com/oJkF9T6nWr
ঘটনাটোৰ পিছতে ৰে'লৱে ব'ৰ্ডৰ অধ্যক্ষ সতীশ কুমাৰে পৰিস্থিতিৰ মূল্যাংকন কৰিবলৈ ৰে'ল ষ্টেচন পৰিদৰ্শন কৰে আৰু বিষয়টোৰ উচ্চ পৰ্যায়ৰ তদন্তৰ নিৰ্দেশ দিয়ে । প্ৰধানমন্ত্ৰী নৰেন্দ্ৰ মোদী, গৃহমন্ত্ৰী অমিত শ্বাহ আৰু লেফটেনেণ্ট গভৰ্ণৰ ভি কে চাক্সেনাইও ঘটনাটোত শোক প্ৰকাশ কৰিছে ।
Stampede at New Delhi railway station | " deeply anguished to know about the loss of lives in a stampede at new delhi railway station. i extend my heartfelt condolences to the bereaved families and pray for speedy recovery of those injured," tweets president droupadi murmu pic.twitter.com/oiDY8bn7EM
— ANI (@ANI) February 16, 2025
- কেনেদৰে হ'ল দুৰ্ঘটনা ?
ঘটনাটো ১৪/১৫ নম্বৰৰ প্লেটফৰ্মত নিশা প্ৰায় ৮:৩০ বজাত সংঘটিত হৈছিল । যাত্ৰীসকলে প্ৰয়াগৰাজ অভিমুখে যোৱা দুখন ৰে'লৰ বাবে অপেক্ষা কৰি আছিল । কিন্তু এই ৰে'লকেইখন আহি পোৱা নাছিল, যাৰ ফলত প্লেটফৰ্মত যাত্ৰীৰ ভিৰ অধিক হৈছিল ।
বাৰাণসী অভিমুখী শিৱগংগা এক্সপ্ৰেছ প্লেটফৰ্মত আহি ৰোৱাৰ লগে লগে যাত্ৰীসকল প্লেটফৰ্মত উপস্থিত হ'বলৈ আৰম্ভ কৰে । যাৰ ফলত ভিৰ বৃদ্ধি পাইছিল আৰু ভিৰ নিয়ন্ত্ৰণ কৰাৰ ব্যৱস্থাৰ অভাৱৰ বাবে অৱশেষত পদপিষ্ট হৈ বহুলোক বাগৰি পৰে ।
Distressed by the stampede at New Delhi Railway Station. My thoughts are with all those who have lost their loved ones. I pray that the injured have a speedy recovery. The authorities are assisting all those who have been affected by this stampede.
— Narendra Modi (@narendramodi) February 15, 2025
ৰে'লমন্ত্ৰী অশ্বিনী বৈষ্ণৱে ঘটনাটোক লৈ প্ৰতিক্ৰিয়া প্ৰকাশ কৰিছে আৰু টুইটত লিখিছে, "নতুন দিল্লী ৰে'ল ষ্টেচনৰ পৰিস্থিতি নিয়ন্ত্ৰণত আছে । দিল্লী আৰক্ষী আৰু আৰপিএফ ঘটনাস্থলীত উপস্থিত আছে । আহতসকলক চিকিৎসালয়লৈ লৈ যোৱা হৈছে । আকস্মিক ভিৰ কমাবলৈ বিশেষ ৰে'লৰ ব্যৱস্থা কৰা হৈছে ।"
नई दिल्ली रेलवे स्टेशन पर हुए हादसे के संबंध में रेल मंत्री श्री अश्विनी वैष्णव जी व अन्य संबंधित अधिकारियों से बात की। दिल्ली के उपराज्यपाल और दिल्ली पुलिस कमिश्नर से बात कर सभी को हर संभव सहायता पहुँचाने के निर्देश दिए। इस दुर्घटना में जान गँवाने वाले लोगों के परिवारजनों के…
— Amit Shah (@AmitShah) February 15, 2025
ৰে'লৱে ব'ৰ্ডৰ বিষয়াসকলেও কৈছে যে হঠাতে হোৱা ভিৰৰ বাবে এই ঘটনা সংঘটিত হৈছে । ৰে'লৱে ব'ৰ্ডৰ তথ্য আৰু প্ৰচাৰৰ কাৰ্যবাহী সঞ্চালক দিলীপ কুমাৰে কোনো ৰে'ল বাতিল কৰা হোৱা নাই বুলি অৱগত কৰিছে । তেওঁ কয় যে হঠাৎ হোৱা ভিৰ নিয়ন্ত্ৰণ কৰিবলৈ তাৎক্ষণিকভাৱে ৪ খন বিশেষ ৰে'ল চলাবলৈ সিদ্ধান্ত লোৱা হৈছিল । এতিয়া ভিৰ যথেষ্ট হ্ৰাস পাইছে বুলি তেওঁ অৱগত কৰে ।
Stampede at New Delhi railway station | Uttarakhand CM Pushkar Singh Dhami tweets, " the news of the casualties of many people in the unfortunate accident at new delhi railway station is extremely painful. may god give the bereaved family the strength to bear this immense pain..." pic.twitter.com/PvcyUHYxr2
— ANI (@ANI) February 16, 2025
- ৰে'ল ষ্টেচনত পদপিষ্টৰ ঘটনা
- নিহতসকলৰ ভিতৰত ১০ গৰাকী মহিলা আৰু ৩ টা শিশু আছে, বহু আহত চিকিৎসালয়ত ভৰ্তি হৈ আছে
- প্ৰয়াগৰাজৰ মহাকুম্ভ মেলালৈ যোৱাৰ বাবে ১৪ আৰু ১৫ নম্বৰৰ প্লেটফৰ্মত বৃহৎ জনসমাগম হৈছিল
- লোক নায়কত ১৫ গৰাকী আৰু লেডী হাৰ্ডিং মেডিকেল কলেজ হাস্পতালত ৩ জনৰ মৃত্যু
- এম্বুলেন্সৰ অভাৱত বহুতে অটোত আহতসকলক লৈ গৈছিল
- প্ৰয়াগৰাজ অভিমুখে যোৱা শিৱগংগা এক্সপ্ৰেছকে ধৰি ৩ খন ৰে'ল পলম হোৱাৰ বাবে ভিৰ বৃদ্ধি পাইছিল
প্ৰাক্তন মুখ্যমন্ত্ৰী আতিশীৰ প্ৰতিক্ৰিয়া
দিল্লীৰ প্ৰাক্তন মুখ্যমন্ত্ৰী আতিশীয়ে X-ৰ এটা পোষ্টত লিখিছে, "প্ৰয়াগৰাজৰ কুম্ভ মেলালৈ যাবলগীয়া তীৰ্থযাত্ৰীসকলৰ সৈতে এনে ঘটনা অত্যন্ত দুৰ্ভাগ্যজনক । কেন্দ্ৰীয় চৰকাৰৰ জনসাধাৰণৰ সুৰক্ষাৰ প্ৰতি কোনো চিন্তা নাই, উত্তৰ প্ৰদেশ চৰকাৰৰো নাই । প্ৰয়াগৰাজত কোনো ব্যৱস্থা নাই আৰু দেশৰ বিভিন্ন ৰাজ্যৰ পৰা অহা তীৰ্থযাত্ৰীসকলৰ বাবে কোনো দৃঢ় পৰিবহণৰ ব্যৱস্থা কৰা হোৱা নাই । মই ৰে'ল বিভাগক যিমান সম্ভৱ সোনকালে লোকসকলক সহায় আগবঢ়াবলৈ অনুৰোধ জনাইছো ।"
