Raghav team at Tezpur: তেজপুৰৰ আনোৱাৰ চিনেমাহলত ৰাঘবৰ প্ৰচাৰ চলালে টিম ৰাঘৱে

তেজপুৰ, ১৭ অক্টোবৰ: 27 অক্টোবৰত ৰাজ্যৰ ছবিগৃহত মুক্তি লাভ কৰিব যতীন বৰাৰ বহু প্ৰত্যাশিত ছবি ‘ৰাঘৱ’ ৷ ছবিখনৰ মুক্তিৰ মাজত আছে মাত্ৰ কেইটামান দিন ৷ সেয়েহে, ছবিখনক সফল কৰি তুলিবলৈ ৰাজ্যৰ চুকে-কোণে টিম ৰাঘৱে চলাইছে প্ৰচাৰ অভিযান ৷ ৰাজ্যৰ অন্যান্য ঠাইৰ লগতে সোমবাৰে তেজপুৰৰ বিভিন্ন স্থানতো চলোৱা হয় ছবিখনৰ প্ৰচাৰ ৷

তেজপুৰৰ আনোৱাৰ ছবিগৃহত সোমবাৰে সন্ধিয়া অভিনেতা যতীন বৰা, নৱনীতা বৰা আৰু টিম ৰাঘৱে চলাই প্ৰচাৰ ৷  ছবিৰ প্ৰচাৰৰ সময়ত যতীন বৰা, চুমী আৰু জুবিটেছে ছবিখনৰ এটি গীতত নৃত্য প্ৰদৰ্শন কৰি দেখুৱাই ৷ উল্লেখ্য যে ৰাঘৱ ছবিখন কেৱল এখন মনোৰঞ্জন ধৰ্মী ছবিয়েই নহয় ইয়াৰ আঁৰত এক ব্যতিক্ৰমী কাহিনীও আছে । আনহাতে, অভিনেতাগৰাকীয়ে কয় যে বহু বছৰ বিৰতিৰ পিচত এইবাৰ এইখন ছবিত মৃদুলা বৰুৱাই অভিনয় কৰিছে ।  

এই ছবিখনত যতীন বৰাৰ উপৰিও মুখ্য চৰিত্ৰত অভিনয় কৰিছে নিশিতা গোস্বামীয়ে লগতে, নৃত্য নিৰ্দেশক চুমী বৰাক এই ছবিখনত প্ৰথমবাৰৰ বাবে অভিনয় কৰা দেখা যাব ।

লগতে পঢ়ক: Assamese film Raghav promotion: বিহপুৰীয়াত ব্যতিক্ৰমীভাৱে ৰাঘৱৰ প্ৰচাৰ চলালে ছবিখনৰ কলা-কুশলীয়ে