নতুন দিল্লী: ৰাষ্ট্ৰপতি দ্ৰৌপদী মুৰ্মুৱে সোমবাৰে উচ্চতম ন্যায়ালয়ৰ প্ৰাক্তন ন্যায়াধীশ ন্যায়াধীশ ভি ৰামাসুব্ৰমণিয়ান (অৱসৰপ্ৰাপ্ত)ক ৰাষ্ট্ৰীয় মানৱ অধিকাৰ আয়োগ (এন এইচ আৰ চি)ৰ অধ্যক্ষ হিচাপে নিযুক্তি দিয়ে । প্ৰিয়ংক কানুংগো আৰু ন্যায়াধীশ ড° বিদ্যুত ৰঞ্জন সাৰংগীক এন এইচ আৰ চিৰ সদস্য হিচাপে নিযুক্তি দিয়া হৈছে ৷ "ভাৰতৰ মাননীয় ৰাষ্ট্ৰপতি ডাঙৰীয়াই ন্যায়াধীশ শ্ৰীযুত ভি ৰামাসুব্ৰমণিয়ানক (অৱসৰপ্ৰাপ্ত)ক অধ্যক্ষ হিচাপে আৰু শ্ৰী প্ৰিয়ংক কানুংগো আৰু ড° ন্যায়াধীশ বিদ্যুৎ ৰঞ্জন সাৰংগী (অৱসৰপ্ৰাপ্ত)ক ৰাষ্ট্ৰীয় মানৱ অধিকাৰ আয়োগ(এন এইচ আৰ চি), ভাৰতৰ সদস্য হিচাপে নিযুক্তি দিয়ে ৷" এন এইচ আৰ চিয়ে X ত পোষ্ট কৰে ৷
উল্লেখ্য যে, ন্যায়াধীশ (অৱসৰপ্ৰাপ্ত) অৰুণ কুমাৰ মিশ্ৰই ২০২৪ চনৰ ১ জুনত কাৰ্যকাল সম্পূৰ্ণ হোৱাৰ পাছৰে পৰা ৰাষ্ট্ৰীয় মানৱ অধিকাৰ আয়োগৰ অধ্যক্ষ পদ খালী হৈ আছিল । অৰুণ কুমাৰ মিশ্ৰৰ পিছত আয়োগৰ সদস্য বিজয়া ভাৰতী সায়ানীয়ে আয়োগৰ ভাৰপ্ৰাপ্ত অধ্যক্ষ হিচাপে কাৰ্যৰত আছিল ।
Hon’ble President of India appoints Shri Justice V. Ramasubramanian (Retd.) as the Chairperson, and Shri Priyank Kanoongo and Dr. Justice Bidyut Ranjan Sarangi (Retd.) as the Members of the National Human Rights Commission(NHRC), India.@PIBHomeAffairs @airnewsalerts @ANI
— NHRC India (@India_NHRC) December 23, 2024
১৯৫৮ চনৰ ৩০ জুনত জন্মগ্ৰহণ কৰা ন্যায়াধীশ ৰামাসুব্ৰমণিয়ামে চেন্নাইৰ ৰামকৃষ্ণ মিছনৰ বিবেকানন্দ মহাবিদ্যালয়ৰ পৰা ৰাসায়ন বিজ্ঞানত স্নাতক ডিগ্ৰী লাভ কৰাৰ পিছত মাদ্ৰাজ আইন মহাবিদ্যালয়ৰ পৰা আইন অধ্যয়ন কৰে । ১৯৮৩ চনৰ ১৬ ফেব্ৰুৱাৰীত তেওঁ বাৰৰ সদস্য হিচাপে নামভৰ্তি কৰি প্ৰায় ২৩ বছৰ ধৰি মাদ্ৰাজ উচ্চ ন্যায়ালয়ত প্ৰেকটিছ কৰিছিল ।
তেওঁ ২০০৬ চনৰ ৩১ জুলাইত মাদ্ৰাজ উচ্চ ন্যায়ালয়ৰ অতিৰিক্ত ন্যায়াধীশ আৰু ২০০৯ চনৰ ৯ নৱেম্বৰত স্থায়ী ন্যায়াধীশ হিচাপে নিযুক্তি লাভ কৰে । ২০১৬ চনৰ ২৭ এপ্ৰিলৰ পৰা কাৰ্যকৰী হোৱাকৈ তেলেংগানা আৰু অন্ধ্ৰপ্ৰদেশৰ বাবে হায়দৰাবাদৰ উচ্চ ন্যায়ালয়লৈ তেওঁৰ নিজা অনুৰোধত বদলি কৰা হয় । অন্ধ্ৰ প্ৰদেশৰ বিভাজন আৰু পৃথক উচ্চ ন্যায়ালয় গঠনৰ পিছত তেওঁক ২০১৯ চনৰ ১ জানুৱাৰীৰ পৰা কাৰ্যকৰী হোৱাকৈ হায়দৰাবাদৰ তেলেংগানা উচ্চ ন্যায়ালয়ৰ ন্যায়াধীশ হিচাপে নিযুক্তি দিয়া হয় ।
২০১৯ চনৰ ২২ জুনত তেওঁ হিমাচল প্ৰদেশ উচ্চ ন্যায়ালয়ৰ মুখ্য ন্যায়াধীশ হিচাপে শপত গ্ৰহণ কৰে । ২০১৯ চনৰ ২৩ ছেপ্টেম্বৰত উচ্চতম ন্যায়ালয়ৰ ন্যায়াধীশ হিচাপে নিযুক্তি লাভ কৰা তেওঁ ২০২৩ চনৰ জুন মাহত অৱসৰ গ্ৰহণ কৰে ।
লগতে পঢ়ক: উচ্চতম ন্যায়ালয়ৰ প্ৰাক্তন ন্যায়াধীশ মদন লকুৰ ৰাষ্ট্ৰসংঘৰ আভ্যন্তৰীণ ন্যায় পৰিষদৰ অধ্যক্ষ নিযুক্ত
