দীনদয়াল উপাধ্যায় আঁচনিৰ নামত ধন সংগ্ৰহৰ অভিযোগ

নলবাৰী জিলাৰ বৰক্ষেত্ৰীৰ চৰ অঞ্চলত সৌৰশক্তি চালিত সঁজুলি বিতৰণৰ নামত সংঘটিত হৈছে ব্যাপক দুৰ্নীতি৷ দালাল চক্ৰই সাধাৰণ কৃষকৰ পৰা লুণ্ঠন কৰিছে হাজাৰ হাজাৰ টকা ৷ জিলাখনৰ বৰক্ষেত্ৰীৰ চৰাঞ্চল বোৰত চৰকাৰীভাৱে সৌৰশক্তি চালিত সঁজুলি বিতৰণত বিয়াগোম দুৰ্নীতি সংঘটিত হৈছে৷ দীনদয়াল উপাধ্যায় আঁচনিৰ ( (Deendayal Upadhyaya Gram Jyoti Yojana) নামত দালাল চক্ৰই বুজন পৰিমানৰ ধন সংগ্ৰহ কৰাৰ অভিযোগ উত্থাপিত হৈছে (DDUGJY scam in Nalbari) ৷ দালাল চক্ৰই প্ৰতিজন লোকৰ পৰা ৪,০০০ হাজাৰ টকাৰ পৰা ২০,০০০ টকা পৰ্যন্ত সংগ্ৰহ কৰাৰ তথ্য পোহৰলৈ আহিছে৷ পশ্চিম কাজিয়া চৰৰ ইলিয়াছ আলী আৰু মধ্য কাজিয়া চৰৰ গাঁওবুঢ়া আব্দুল গণি ওৰফে আতোৱাৰ ৰহমানৰ পুত্ৰ আব্দুল ছালামে হাজাৰ হাজাৰ টকা সংগ্ৰহ কৰাৰ অভিযোগ উত্থাপিত হৈছে ৷